انا روحت المتحف المصري النهارده!!!

[ياسمينايا]

السلام عليكم ...



اناروحت المتحف المصري النهارده ..بجد حاجه جميله جدا ..وروعه مهما وصفت مش هأقدر اوصف ..جماله ..

مومياء واثار واخناتون ورمسيس بكل ارقامه ..ومتعلقاتهم والادوات الكانو بيطبخو فيها والحلى بتاعهم ((طبعا مش هينفع اقول اكساسورات خالص))

ودى شويه اكسسورات ليهم العرفت اصورو لانهم خلينو اصور بالعافيه ,,وع فكره في تفرقه عنصريه ميخلينوش اصور وبيخلو الباقى يصور ..عارفه ان الصور مش مظبوطه قووى بس ده العرفت اصورو ..





..


المهم المضايقنى بقى ان شباب اليومين دول سواء بنات او ولاد ومش كلهم يعنى لما بييجو يخرجو بيقضوها سينمات وشوفتو ولاد العم جامد ازاى لأ ولا الماجيك مرعب ازاى ..ده غير المطاعم((اهم حاجه الاكل طبعا )),,
وده طبعا غير الحفلات..

وبعدين لما روحت النهارده المتحف بالصدفه ..قولت قد ايه عندنا اماكن حلوه في مصر بس احنا المش بنروحها ولا بنفكر فيها ..والاجانب ماشاء الله سايبن بلدهم ومناظرها الجميله ..وجايين يدفعو 60 جنيه تذكره عشان يشوفو اثارنا الجميله عامله ازاى ..والفراعنه جوم ازاى ..وكمان اكتشفو حاجات عندنا في مصر ..كذا مره الاقى حاجه في المتحف رووعه والاقى مكتوب لوحه مكتوب فيها بالخط العريض..الاثري العظيم البريطانى هو من اكتشف هذا الاثر!!!!!!!!!!

بجد انا ناويه اكمل ع الباقى ..ع اثارنا المصريه الجميله الاحسن من حاجات كتير قووى بنضيع وقتنا فيها ..

دى دعوه رسميه عشان تزورو متحفنا المصري .نفسي نبقى اكتر من الاجانب ..عشان يعرفو ازاى احنا بنحب مصر واثارها وبنزورها اكتر من مره ,,, انامرضيتش اخوض في الموضوع بتفاصيله عشان متزهقوش من الرغى ..

يارب تفهمو كلامى صح ..لاننا في نعمه ومش حاسين بيها ..هسيبكو بقى لحسن لسه جايه من المتحف حالا ..وعايزة اروح اكل ,,


تشاااااااااااااو..