مجموعة اسئلة متنوعة لتانية ثانوى

[queen hemat]

شكرا جزيلا استاذ ياسر على الاسئلة الرائعة
جزاك الله الف خير
انا بحب الفرنساوى جدا
بحب اللغات عموما
والحمد لله كويسة فى الفرنساوى
وكل اسبوع المستر بتاعنا بيعملنا امتحان
من اول السنة لغاية دلوقتى يعنى تقريبا اخدت 20 امتحان
ولا امتحان فيهم بنقص فى الوثيقة ولا الاماكن ولا الشخصيات ولا الجرامر مع ان اسئلة الجرامر والوثيقة المستر بيجبهم صعبين جدا جدا ومعظم زمايلى بيغلطوا فيها
المشكلة بقى انى بغلط فى حاجة تافهة جدا
وهى الموضوع او المواقف
مع انى بحفظهم كويس
وحاسة انى اتحسنت فيهم كتير جدا عن اولى ثانوى واول السنة
لانى اصلا مكنتش بعرف احفظ بالكتابة
نهااااااااااااااااااااائييييييييييي
كان كل حفظى فى الانجلش من اول اولى ابتدائى شفوى لان المستر بتاعنا معودنا على الشفوى لان كنا فى مدرسة خاصة وكنا بناخد منهجين انجلش فكنا بنهتم جدا بالشفوى والفوناتكس
فلما بدأت اخد فرنساوى بقيت احفظ زى ما بحفظ الانجلش
المستر قالى لازم تحفظى بالكتابه عشان القرنساوى بيتنسى بسرعة وممكن انسى ان دى مذكر او مؤنث او كدة يعنى او انسى اكسون

فبجد ان زعلانة اوى لان كل امتحان بنقص فى المواقف والموضوع فى كلمات بسيطة اوى ممكن انسى اكسون او انسى ان الكلمة دى مذكر او مؤنث
وبقيت اقول لنفسى خلاص انا سهل انى اجيب 49 او 49.5
بس صعب اجيب 50
بسبب مشكلة الكلمات دى فاضايقت اوى ومش عارفة اعمل ايه
خايفة اوى من كدة
مع انى والله بذاكر الفرنساوى فى الاسبوع مرتين من اول المنهج لحد ماحنا واقفين بس مش عارفة اعمل ايه اكتر من كدة
يا ريت يا استاذ ياسر تقولى اى نصيحة احاول بيها اتغلب على المشكلة دى