أناااا الحمار

[zizo2_2]

أنا الحمار

--------------------------------------------------------------------------------

كان ياما كان في بلد عزيز زمان ومازال البلدعزيزا ولهوائه في أذني أزيزا
كان فيه حمار *** طب وأيه يعني ما الدنيا مليانه حمير
أيو بس كان حمار غير عادي *** غير عادي يعني ايه سته سلندر يعني
لأ يا جدع انت بقولك حمار حمار حمار *** طب خلاص عرفنا أنه حمار وبعدين
الحمار ده بقى حمار ايه انما ما اقولكش حمار كبير قوي *** ماهو برضه حمار
لأ يا ابني الحمار ده كان حمار كبير ومش معني كبير ان كان ضخم لأ
أنما كان حمار مسنود قوي *** اهو انا دالوقت بقيت مش فاهم اكثر
علشان انت لسه جحش مش حا تفهم حاول انك تسمع وتقرا وبعدين يمكن تفهم
المهم يا سيدي وبعدين ايه اللي حصل للحمار ده
أقول يا سيدي الحمار دة كان حمار كبير قوي قوي قوي ومسنود قوي قوي قوي
وكان مسئول عن شركة كبير من ضمن اربعة شركات تحمل مسئولية البلد العزيز بالكامل
وبعدين الحمار دة كان مسيطر على الشركة بالكامل وكل الحمير اللي تحت منه والحمير اللي فوق منه بتخاف منه
*** طب اللي تحت منه وفهمناها طب اللي فوق منه بتخاف منه ليه ***
مش بقولك انك لسه جحش ومش فاهم حاجة
بقول حمار حمار حمار كبير قوي قوي قوي ومسنوووووووووووووووووود فمت بقى
وطبعا لأنه مسنود وأصلا حمار مفيش حد عارف يكلمة ولا يرد عليه فكل كلامة صح وكل افكارة عظيمة وكل اقتراحاته مبهرة والجميع يغنون ويتشدقون بذكاء الحمار الكبير
*** وبعدين معاك هات من الآخر ***
وفي يوم من الأيام تم تعيين حمار صغير ((حجش يعني)) في نفس ذات الشركة تحت إدارة الحمار الكبير ونظرا لأن الحمار الصغير كان حمار حمار حمار صغير فكان لدية مجموعة من القيم والمباديء والأفكار الجديدة الجريئة التي يمكن ان تنهض بالشركة
ولأنه كان حمار فكان يحاول الإتصال بالمسئولين لعرض أفكاره عليهم علهم يأخذوا بها
ولأنه كان حمار فكان يعتقد انه سوف ينجح في فترة صغيرة ويترقى في المناصب ويحبه الكبار والصغار نظرا لأنه سوف يطور الشركة
ولأنه حمار لم يفهم ولم يستوعب ان فيه حمار اخر اكبر منه وأقوى منه ومسنود عنه يقوم بكل شيء فهو المفكر الوحيد والزكي الوحيد والشريف الوحيد وحاجات كثيرة قوي الوحيد وكل شيء الوحيد فقد اصطدم الحماران إصطداما مروعا
*** يعني أيه اصطداما مروعا ***
تخيل ان فيه حمار كبير قوي بيجري بسرعة قوي وتخيل ان فيه حمار جحش صغير برضة بيجري بسرعة قوي في عكس اتجاة الحمار الكبير
وتخيل ان الحمار الكبير يعلم بأنة سوف يصطدم بالحمار الصغير وأعد نفسه لذلك
وتخيل أن اعوان الحمار الكبير بدأوا في وضع العقبات للحمار الصغير
وتخيل ان الحمار الصغير لا يعلم بأنة سوف يصطدم بالحمار الكبير
وتخيل ان الحمار الصغير يعتقد بأن الحمار الكبير يجري عليه فرحا به ليحضنه
وتخيل بان سرعة الحمار عند الجري وهوسعيد كبيرة جدا
وتخيل بأن سرعة الحمار عند الجري وهو غاضب شديدة جدا
وتخيل بأن الحمار إنطلقا وظلا يجريان بأقصى سرعتهما كلا منهما ضد اتجاة الأخر
ماذا سيحدث ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟
البقيه بعد ان يسترد الحمار أنفاسه

منقول ويتبع ...