الامتحان سهل ..بس ضاعت فرحتى ..

[ياسمينايا]

النهارده كان عندى امتحااان ..


دفعتنا صغيره عشان احنا اولى اداب اسبانى والاسبانى دايما قليلين ..


معانا 5 ولاد في الدفعه بس..


وانا قاعده قبل الامتحان كان ورايا بنت منقبه ,,


جت نادتنى وفكرتها بتظبط معايا عشان الغش قبل الامتحان وانا طبعا ضد كده ..بس طلعت ظلماها ..لقيتها بتقولى ..حاولى تقعدى قدامى ..عشان محدش يخلينى اقلع النقاب ..

قلتلها بجد ممكن يعملو كده ..ومكنتش فعلا متخيله ..


جت بعد كده مراقبه يجى عندها 30 سنه ومحجبه ..بس مش الحجاب المطلوب يعنى ..



لقيتها بتزعق للبنت وبتقولها اقلعى النقاب ..البنت قالتلها مش هينفع ..في ولاد هيشفونى ..قالتلها ((بصي بقولك ايه ..هيتقلعيه ياطردك بره ومتمتحنيش ..))..وياسلام ع الاسلوب الراقي ..

البنت قعدت تدور ع مكان بعيد من الولاد ..بس للاسف كان كل ولد متوزع في حته من المدرج الصغير ..يعنى كلهم هيشوفوها ..وبالرغم من كده ..جابت منديل وغطت وشها بايد ..وحلت بايد تانيه ..


!!!!!!!!!!!


للدرجه دى وصلت الدنيا ..بقى يسبيو اللى لابسين ومش محترمين..ويمسكو في البنت دى ..طب لو ع موضوع الغش ..كانو ممكن يفتشوها بأسلوب لطيف ..

ولكن اتتضح ان ده ستار ..تحت شعار الغاء النقاب في مصر !!!!! وشيوع ..ما غير النقاب ..


وياريت الاسلوب لطيف او محترم من المراقبه لا دى زعقت فيها وكأنها عامله حاجه مفروض متتعملش او انها حاجه غريبه وهى النقاب ..


الامتحان الحم لله جه سهل جدا ..بس والله ما فرحت ..ع قد ما زعلت للبنت دى..

وربنا يدى كل واحد ع قد نيته ..