رمضان ايه بس اللى بتقولوا عليه ده

[المنقذ من الضلال]

السلام عليكم ورحمة الله وبركاته

بسم الله والحمد لله والصلاة واتلسلام على اشرف خلق الله .....

قا احد الصالحين ( ان الله جعل رمضان مدمار لخلقه فتقدم قوم ففازوا وتخلف آخرون فخابوا فالعجب من اللاعب الضاحك حن يفوز الفائزون وخسر الخاسرون ) مدمار اى مسابقة .

هنضرب لكم مثال يوضح اكثر عارفين لما نيجى نعمل مسابقة جرى ويبقى الكل واقف مستعد ومستنى لحظة البدء ولما ناخد الاشارة بالبدء وتلاقى الكل جرى الا واحد واقف مكانه سبحان الله امال داخل المسابقة ليه لا والاكثر من كده انك تلاقى الكل بيجرى للأمام وتلاقى اخنيا ده بيجرى للخلف سبحان الله وبحمده سبحان الله العظيم لا حول ولا قوة الا بالله العلى العظيم .
هوا ده رمضان وهوتا ده اللاعب الضاحك .
المقصود يا جماعة انك بتلاقى الناس تدخل رمضان وتخرج من رمضان ولا كأن ولا فى حاجة اسمها رمضان .
رمضان عندهم كباقى الشهور لن اتكلم فى فضل رمضان كثيرالانه من الممكن ان يكون قد سبقى اليه احد اخواتى فى الموقع ولكنى لم اتطلع حد الأن بسبب غيابى هذه الفترة ولكنى متأكد من انكم تكلمتك فى فضل رمضان ولكن يحضرنى قول احد الصالحين ( من رحم فى رمضان فهو المرحوم ومن حرم فى رمضان فهوا لمحروم ) وكان احد الصالحين يقول ( اقبلت التجارة الرابحة من لم يغفر له فى رمضان ففى اى وقت يغفر له ) ما اقصده والذى اريده هو:

عندما نسأل شخص ونقول له ما رأيك فى رمضان على الفور يقول ( ياه رمضان دا رمضان ده شهر القرآن شهر الرحمة والغفران شهر العتق من النيران ) طيب تعالى يا حبيبى شهر القرآن طيب انت ختمت كام جزء لحد الآن على الفرو يقول ( لالالالالالا انت فاهم غلط هوا انا لازم اختم القرآن اكثر من مرة لالالالا المهم اننا افهمه ولا حتى ختمته مرة واحد ) سبحان الله هو مش ممكن نختمه اكثر من مرة وبردوا نفهمه اجماعة الشيطان بياخد الكلمة دى سبيل علشان بيعدك عن كتاب الله ووالله انت ولا بتفهمه ولا حاجة وبعدين تعالى هنا هوا انت مش من خمس سنين فى رمضان اللى فات ختمته مرة واحدة ياعم هوا انت محلك سر ياخى فى الله مافيش مانع انك تختمه اكثر من مرة وبردوا هتفهمه ولماتكرر الختم كمان حتحفظه ياجماعة لو ما ختمتش كتير فى هذا الشهر اللى كل الظروف مهيأة لذالك بخلاف اى شهر فياريت نبعد عن هذه العبارة اللى بناخدها حجة والله ما هتنفع سبب من اسباب الحفظ انك تختم كثير وبردوا ان شاء الله هتفهمه وهتتدبره واريت الآية اللى تحس بيها تعيدها تانى .

بعد كده نيجى للجماعة بتوع الأغانى الهابطة اللى مش رحمين نفسهم على طول الأغانى ملازمة آذانهم اقول لهم اخوتى فى الله هديكم مثال والعاقل يفهم ( لما كون عند واحد مننا جهاز كمبيوتر والجهاز ده يفضل شغال مدة طويلة مش الجهاز هيجى فى وقت ويحتاج لصيانة والا هيتلف وهتخسر جهازك صح فكذلك الأذن بقلها 11 شهر شغاله فى سماع الأغانى الهابطة وهو ده الصيانة ريحها يا اخى واعملها صيانة علشان متتلفشى وتضيع منك وترجع تقول ياررتنى كنت علمتلها صيانة وبعدين يا اخى تعالى هنا خلاص يعنى خلاص مكفيك الـ11 شهر اخى نظف اذنك من هذه القمامه واسمعها القرآن الكريم مكن ربنا جعل هذا الشهر هداية لك وتوبة وبعد عن الأغانى دى وتتجه الى سماع القرآن الكريم نظفها ياخى صدقنى قبل ما تحرم منها الآذان اشتكت من قذارة من تسمع اتق الله فى اذنك قبل ان تحرم منها .

والبنات اللى تلاقيها فى الشهور كلها لبسين المحذق والملذق وفردين شعرهم على الاخر وبعدين فجأة فى رمضان تلاقيهم لبسوا الثياب الواسعة والجحاب والله كل ده خير ولكن اين هذا فى غير رمضان اقول لكى نصيحة ولمن اتكلم كثرا بالله عليكى تجلسى امام المرآة وتقوا الدعاء ( اللهم كما احسنت خلقى فحسن خلقى ) وبعدين تفكرى انا كده احسن ولا الاول وبالله عليكى تحكمى ضميرك وتحكمى شرع الله وسنة رسوله ولما تلاقى الجواب تردى عليا انا فى انتظارك .

معلشى يا جماعة لو كانت طريقة الكلام شديدة شوية ولكن اعذرونى والله انا متضايق جدا وعندى كلام كتير فى هذا الشأن ولكن الحمد لله وارجوا ان توصل هذه السطور القلائل المعنى الذى اريده .

السلام عليكم ورحمة الله وبركاته
والله اعلى واعلم


</span> </span> </div> </span> </span> </span>