▂▅▆ حمـلة هنتغيــر بجــد ▆▅▂ ǁ|الجزء الثانى ]||||

[حياتى كلها لله*]

برنامج قرأت لكم

يقدمة / الزاهده




الحلقة الخامسة
بعنوان
ان بعد العســر يســر


تم تصغير هذه الصورة. إضغط هنا لرؤية الصورة كاملة. الحجم الأصلي للصورة هو 650 * 236.

بقولك إيه

إيه؟

سمعت إنك متدايقوفي عندك شوية مشاكل في البيت

والدنيا معاك مضلمه على الآخر

وكاره نفسك

إنت مين قالك؟؟

باين عليك من إسلوب كلامك

وقافش كده معانا

على العموم أنا مش عايز أعرف في إيه

بس النهارده حلقتنا عاملها مخصوص ليك

ما أظنش أساسا في حاجه هتخرجني من اللي أنا فيه

أنا خلاص إتعودت

طيب إسمع بس كلامي ونشوف

ماشي قول يعني كلامك اللي هيعطلني!!

ماشي هاقولك

إسمع

إنت طبعا تعرف إن بعد الجوع إيه؟؟

شبع

تمام

وبعد العطش؟؟

شرب

تمام

كل حاجه وليها نهايه صح؟؟

ممممممم صح طبعا

كويس بص بقى

وبعد السهر نوم

وبعد المرض عافيه

والغايب لازم يرجع

والضال لازم هيهتدي

والضلمه لازم وهتروح ومكانها ينور

مش فاهم من الأمثله دي كلها حاجه؟؟

ممممممم يعني

أوك هوضح لك

قصدي إن بعد كل حاجه وحشه لازم تيجي حاجه حلوه

ولو كانت النهايه مش سعيده تبقى مش دي النهايه

لو شوفت الصحراء بتمتد على مدى نظرك فاعلم إن ورا الصحراء حدائق وزرع..

لو شوفت الحبل بيتشد تبقى متأكد إنه لازم هيجي وقت وهيتقطع..

مع الدمعه بسمه, ومع الخوف أمن, ومع الفزع سكينه..

ربنا عز وجل قال{فَعَسَى الله أنْ يَأْتِيَ بِالْفَتْحِ أوْ أَمْرٍ مِنْ عِنْدِ}

سيدنا إبراهيم كان في وسط النار وهيا في قمة الحراره لكن الرحمه الربانيه خليتها{بَرْدًا وَسلَامًا عَلَى إِبْرَاهِيم}

البحر ماغرَّقش فيه كليم الله عز وجل سيدنا موسى عليه السلام لأن صوته الصادق قال{كَلَّا إِنَّ مَعِيَ رَبِّي سَيَهْدِينْ}

العبيد ساعاتهم مرهونه, والفقراء ظروفهم قاتمه, لأنهم مش بينظروا إلا للجدار اللي بتحيط بيهم

لكن لو بصوا ببعد شويه هيشوفوا إن وراء الجدار ده دنيا أجمل..

ماتدايقش نفسك

أنا مش بقيت متدايق أوي

كمل

كمل

حاضر هكمل

من المحال دوام الحال, وأفضل العبادات تستنى الفرج, والليالي حوامل, إستنى مواليدها,والغيب مستور (إستنى ظهوره)

{لَعَلَّ الله يُحْدِثُ بَعْدَ ذَلِكَ أَمْرًا}

و{إِنَّ مَعَ الْعُسْرِ يُسْرًا , إِنَّ مَعَ الْعُسْرِ يُسْرًا}

يعني بعد كل عسر هتلاقي عسرين

وبعدين هاقولك بقى كده نختم بيها كلامنا

ماااااااشي قول

دلوقتي لما بتكون عايز تشتري حاجه مش موجود منها غير 4 في العالم

هتكون غاليه ولا رخيصه؟؟

طبعا هتكون غاليه وغاليه أوي كمان

تمام

تخيل بقى إن الجنه مافيش منها غير واحده لا وكمان مش في الدنيا

مافيش منها غير واحده وفوق فوق عند ربنا

شوفت

يعني لازم تكون غاليه أوي كمان

عشان كده لازم تبقى عارف

لو حاجه ربنا أخدها منك هتلاقي زيها فوق في جنته

لومال هتلاقي بداله قصور

لو حد قريب منك هتلاقيه فوق بيتجهز عشان يقابلك في الجنه

بس انت إصبر عشان تاخد كل حاجه في الجنه

ممممممممم ياه كلامك حلو أوي

يعني دلوقتي كل الحاجات اللي فقدتها هلاقيها!!!؟

لا طبعا مش هتلاقيها ده انت هتلاقيها وأحسن مما كانت عليه

بجد؟؟

اه طبعا بجد

ربنا عز وجل بيقول {وَبشِّر الصَّابِرِين}

يعني ربنا اللي ببشرك مش انا

شد حيلك بقى وفوق لنفسك وسيبك من القيود اللي انت فيها دي

ده انت لسه شاب في أول عمرك

يعني محتاج همتك تكون عاليه

طبعا هتبقى عاليه ولازم تبقى عاليه

ربنا يبارك فيك ويحميك

قولي بقى

ها؟ عامل إيه دلوقتي؟

الحمد لله طبعا كويس

ده انا متفائل جدا كمان

وفرحان اوي

عشان انت طمنتني

طيب كويس أوي

إستنانا الحلقه الجايه

ومتنساش هتكون قصه جميله أوي

حاضر مش هنسى

ماشي

في أمان الله

في حفظه ورعايته

قرأت لكم : من كتاب لاتحــزن