وأطلق نقابى من بين وجنتيا صرخة مدوية قائلة (وااااسلااااماااه)

[الجويرية]

السلام عليكم ورحمة الله وبركاته
ازى حضراتكم جميعا؟
اتمنى ان كلكم تكونوا بخير ان شاء الله
للاسف انهاردة جاية بموضوع والله بكى له قلبى دماً
وبكت له عينى نهرا
فقدجاء بيان رسمى من هانى هلال وينص على
منع دخول أى منتقبة فى لجنة الامتحان بالنقاب وأهلا وسهلا بيه بعد الخروج من اللجنة
بحجة ان المنتقبات بيغشوا
هانفرض انه صح انهم بيغشوا
حد ممكن يقنعنى انهم دول المنتقبات ولنفرض انهم
ممكن تقولولى كام حالة غش عند الولاد
كام حالة غش عند غير المنتقبات؟؟؟
وكام حالة غش بتوصل عن طريق المراقبين اصلا
هل هو سبب مبرر؟؟
ده أولا
طبعا كل منتقبة ترفض ان اى اجنبى يشوف وشها لغير الضرورة المباحة
ازاى ممكن واحدة تقطع حتة من جسمها
ازاى ممكن تتخلى عن كرامتها عن حياتها
النقاب كبير اوى وغالى اوى اوى اوى انهم يتعاملوا معاه بالهمجية دى
المهم
احنا كمنتقبات جامعة القاهرة قررنا ان نحتج ونغير من الوضع
اتفق جميع المنتقبات عامة وخاصة السلف وقمن بمسيرة امام القبة
وماشاء الله على العدد ربنا يزيد ويبارك
مجموعة من الاخوات تطوعن انهم يطلعوا يتفاهموا مع رئيس الجامعة
اولا رفض انه يقابلهم اصلا
وبعد عناء دخلوا
وقالوله احنا موافقين جدا على القرار ونخلع النقاب بس بشرط
اننا يكون لينا لجان خاصة بينا ومراقيبنا نساء
وكان رده كالاتى
قال اللى انتم لابسينه ده تخلف وانتم مجموعة متخلفين واى حد بيشوفكوا فى الشارع بيضحك على الجاهلية دى
انا كان على ايامى مكنش فيه حجاب اصلا وانا مش هاخلى جامعة القاهرة جزء من السعودية
وانا وراكوا لغاية متخلصوا من الجامعة
ردوا وقالوله احنا باذن الله هانزيد ومش هاننقص
وانتهى الحوار بجملة
ياانتم يانا فى الجامعة دى لحد ماامنعه بالدخول من باب الجامعة نهائى
ده كان الرد من رئيس الجامعة شخصيا
وانا ردى بقى
كل كلمة من دى بتقوينا اكتر ومهما عملتم احنا منتقبات محافظات على نفسنا
ومش هاننزع كرامتنا مش هاننزع روحنا مش هاننزع قلبنا
واعمله اللى تعملوه فينا مش هانقلعه فى اللجنة
وباعلى صوتى بقول
واسلاااااااااااااااااااااااااااااااااماااااااااااا ااه
ربى اننا مغلوبون فأنتصر
يارب انصرنا يارب بقوتك
ينادون بأن البنطلون والمينى جيب حرية شخصية
بأن الاختلاط والفحش حرية شخصية
بأن الزنا حرية شخصية
بالله عليكم أيها المحررون من التقيد
أين هى مع النقاب؟؟؟؟
واختم كلامى
لو نزعتم دمائنا من عروقنا فلن نخلع نقابنا
وجزاكم الله خيرا