إهداء لكل مومو وتوتو وميمى كمان علشان مايزعلش

[الجويرية]

السلام عليكم ورحمة الله وبركاته
كيف حال حضراتكم جميعا؟؟
اتمنى ان تكوننوا بخير حال
انا عاوزة احكى موقفين كدة حصلوا

فى العيد كنا فى النادى
وما اداراكم ما النادى
مومو وتوتو والجماعة دول
المهم واحنا قاعدين كان قدامنا شابين كدة وقاعدين بالاب توب واخر احترام
والله جه عنكبوت كبير كلهم جريوا من مكانهم
وقالوا المفروض حد يموتوا بجزمته
بس على مين يخافوا ليطع على البنطلون
ويلذغ ويسم

وبردوا روحنا الانتريه هناك
فكانوا على كنبة شوية قطط بتلعب وكان فيه شاب قاعد جمبهم وكل نطة من قطة ده ينط
لغاية ما ربع رجله على الانتريه علشان القطة لحسن تعضه
واما قومنا قام جرى وقعد مكانا
وتشوفه تقول مهندس يعنى هيبة بقى

واحنا راجعين لحظنا السيئ ركبنا تاكسى
كان شاب طبعا انا شاكيت فى كونه سواق تاكسى
السلسلة والحاجات دى
واخد المصروف ونازل يكمل علشان الرحلة
المهم يابنى وديناشارع السودان مش عارفه
طب التحرير مش عارفه طيب الشيرتون مش عارف
المهم بابا وصفله
لحد ما وصلنا
وماما وهى نازلة تقوله خلى بالك من نفسك هاتعرف ترجع يابابا
المهم قعدت تدعيله انه مايتوهش الاستاذ انه مش هايتوه
المهم
السؤال هنا
فين الرجال فى الناس دى؟
ناس بابى ومامى
ياترى لو حصلت حرب واكييد هم مش هايدخلوا جيش
لانه مش طرى
هايستخبوا؟؟
هم دول اللى هايحرروا الاقصى؟؟
لو تزوجوا وحد كلم زوجاتهم هايخافوا حتى يزعقوله؟
يااااااااااااااه
فين الرجولة راحت
كان زمان البنت تمشى تقول انا نازلة مع اخويا
يعنى يقينا محدش هايقدر يكلمنى
دلوقتى انا نازلة مع اخويا
يعنى لو كلب قرب منه هايجرى ويسيبها
يعنى ضمان انها ممكن مترجعش معاه
عاوزة اعرف ايه رائيكم فى ميمى والمسميات العجيبة دى؟
وهل فى لسه فعلا رجالة يعتمد عليهم؟
وجزاكم الله خيرا