قررت ارجع واتوب ...... خاطرة بقلمى

[زهرة الياسمين]

السلام عليكم ورحمة الله وبركاته

ازيكم يا فنانين يا مبدعين؟؟؟
يارب تكونوا كويسين

أنا زرتكم قبل كده بقصائد بقلم والدى

بس المره دى بقى الموضوع خاص بيا انا

جايبه خاطره بقلمى بالعاميه وتعتبر مش اول تجربه

بس للأسف مش هاينفع انزل غير دى فى الوقت الحالى

خلينا بقى فى الخاطره



قررت ارجع واتوب

خلاص قررت ارجع واتوب
قررت اتوب من كل الذنوب
قررت ارجع لرب القلوب
خلاص راجع لعلام الغيوب
قررت ارجع واعوض اللى فات
خلاص بقى اللى فات مات
بلاش نفكر فى القديم
بلاش نضيع من عمرنا سنين
أنا راجع بقلبى لرب حنين
رب بيقبل كل التايبين
إفتكر إن باب التوبه مفتوح
اى ما تمشى وفين ما تروح
ياللا بقى عايزين نرجع كلنا
نرجع بقلوبنا كلنا لربنا
ياللا بقى ديننا محتاج لنا
القدس والاقصى محتاجين لنا
بلاش تفكر فى اللى عملته واللى فاتك
بلاش تضيع فى اليأس حياتك
كل اللى هاتعمله انك هاتقول
(أستغفر الله) وتخليها معاك على طول

بقلمى

يارب تكون عجبتكم

وجزاكم الله خيرا