كيف تستعد لرمضان؟؟

[لؤلؤة]

طبعا اول حاجة النيه والاخلاص.... رمضان السنه دي كله هيكون لله...... رمضان السنه دي هيكون صيامنا فيه ان شاء الله صيام خواص الخواص

وفي الاول برضه حاجة بنغفل عنها كلنا .........اول ليله في رمضان يا شباب..... ليله الرؤية اوعوا تغفلوا عنها ونتخيل كلنا زي الرسول ما بيقول ان ربنا عز وجل بينظر لعباده في الليله دي يا تري نفسك يشوفك ازاي.........ادام التلفزيون وللا في المسجد بتصلي قيام........

ثانيا بالنسبه للقران......علي الاقل ختمتين ختمة قراءة وختمة قيام ......متنسوش يا جماعه نستغل الاوقات البينيه اللي بتضيع مننا ......مثلا بين المحاضرات وللا في المواصلات.......من الاخر كده متسيبش دقيقه تضيع منك
طلعا هتمشي وعلطول معاك مصحفك في جيبك او في شنطتك
ده غير فكرة جديدة اتفقنا عليها كلنا ...كلنا هنمشي ومعانا غير المصحف كمان كراسة ...ايوة كراسه .....الكراسه دي اسمها كراسه التدبر .....واحنا بنقرا بنلاقي نفسنا بنقف عند ايات معينه نقراها تاني وتالت ونعيد فيها ...كلماتها نتدبرها ونحسها ونلاقي نفسنا عايزين نقراها كمان وكمان...الكراسه دي بقي هنكتب فيها الايات دي عشان تكون قدامنا دايما كل ما نحب نقراها ونستعيد معناها

ثالثا بالنسبه للدعاء .........من دلوقتي سيب الجهاز وروح جيب ورقه وقلم واكتب دعواتك ......عايز تدعي بايه في رمضان السنه دي ...........ادعي بصدق واخلاص ..........ادعي وانت عندك يقين ان رمضان اللي بعده مش هييجي غير وربنا عز وجل يكون استجاب لك كل دعواتك........متنسوش تتوصوا بالدعاء لاعضاء الجروب ولادراة الجروب بالذات ومتنسونيش انــــــــــــــــــــــــــــا كماااااااااااااااااااان .....دعاء جامد يا جماعه هاعرف لو مدعتوش وساعتها مش عارفه هاعملكم ايه؟؟؟؟؟؟؟؟؟

رابعا بالنسبة للصدقه اتفقنا هيبقي في عندنا صندوق اسمه صندوق التطهير ........ايوة قريتوها صح صندوق التطهير .....لا مش جواه ادوات مطهرة ...........جواه صدقاتنا اللي هتزكينا وحتطهرنا زي ما الايه بتقول( خذ من اموالهم صدقه تزكيهم وتطهرهم)
غير الصدقات الجاريه اللي هنوزعها مطويات.....كتيبات.... شرايط .....ودايما جيبك او شنطتك تكون مليانه بيهم طول ما انت ماشي توزع........ .كون فعلا مؤمن كالغيث اينما حل نفع

ده غير فكرة المكتبه المتنقله ودي مكتبه هتحط فيها شوية كتب وشرايط وتمررها علي معارفك بشرط ان كل واحد توصله المكتبه لازم يضيف ليها حاجة .......وعلي اخر الشهر هيكون عندكم مكتبه محترمه...... .وسموها مكتبة العائله وللا مكتبه العمارة وللا مكتبة الشله علي حسب نطاق توزيعك للمكتبه

الصلاه .....نسمع الاذان من هنا يا جماعه الكل يجري........ لو بنت يبقي في بيتك لو ولد يبقي الصلوات الخمسه جماعه صف اول جمب الامام ............بالنسبه للقيام .....ان شاء الله مش هنفوت ولا يوم.....وعلي اد ما نقدر تهجد وقنوت.....النوافل يا جماعه هنتوصي بيها شوية السنه دي مش عايزين نفوت سنن خالص

ما ننساش افطار الصائم في رمضان واتفقنا اننا دايما هنمشي ومعانا تمر في شنطنا ...وكل واحد وشطارته لما نشوف كل واحد هيفطر كام واحد السنه دي وياخد ثوابه
ما ننساش بر الوالدين في رمضان
ما ننساش الصلاه علي النبي في رمضان
ما ننساش الذكر في رمضان
ما ننساش الصحبة الصالحه في رمضان
ما ننساش الاعتكاف في رمضان في العشر الاواخر
ايه رايكم في شعار لينا في رمضان السنه دي .......المؤمن زي الكبايه لو امتلات ماءهتفيض علي اللي حواليها وبرضه المؤمن لو امتلا بالايمان هيفيض علي اللي حواليه ...... السنه دي كلنا هنكون كبايه

هل ينفع؟؟؟؟؟؟؟؟؟؟............ ... ان شاء الله هينفع


منقووول