تجمع طلبة كلية ادارة الاعمال بالجامعة الأمريكية بالقاهرة 2009/2010

[real man]

هاااااى يا جماعة
صباح الخير للى بيقرا التوبيك الصبح ، ومساء الخير للى بيقرا التوبيك بالليل
قبل اي حاجة بجد انا معجب جدااااااا بالمنتدى الجامد اخر حاجة ده
عاملين شغل جامد اوى فيه ما شاء الله فيه تفاعل جامد اوى ما بين الاعضاء وبعضهم
و ده اللى خلانى اسجل فى المنتدى و أقرر انى اشترك فيه و اكون معاكوا
و اللى شدنى اكتر في الفورم ده القسم ده بالذات علشان حسيت فيه كده ان فيه شغل كتيييير
بالرغم من ان فى منتديات تانية أكبر من المنتدى ده ولكن التفاعل ما بين الاعضاء شبه ميت
لكن المنتدى ده والقسم ده خصوصا حسيت فيه بتفاعل وروح كده مش موجوده فى اي سايت شبيه
دى كانت مقدمة سيمبل بس علشان ابدى اعجابى بالوضع الموجود و الى الأمام دائما ان شاء الله
انا كنت متابع القسم ده من فترة كده بس من غير ما اسجل فيه ولاحظت ان فيه قوانين والتزامات وشغل كتير
و كان من ضمن القوانين دى ان كل جامعة ليها موضوع تعارف وتجمع مخصوص
ف انا قولت شئ كويس ان انا يبقى ليا السبق فى انى اعمل موضوع لتجمع طلبة الايه يو سى
و خصوصا ان طلبة الايه يو سى نشاطهم فى المنتديات شبه مختفى
و علشان كده انا ارجو من جميع طلبة الايه يو سى الموجودين ( لو فيه حد موجود يعنى )
ان هما يتجمعوا فى التوبيك ده ونتناقش فى امور الدراسة و المواد و كل شئ متعلق بيها
نسيت اعرفكم بنفسى
انا اسمى محمود - sophomore الفرقة التانية كلية ادارة الاعمال - الجامعة الامريكية بالقاهرة