حملة.. " حجاب المرأة المسلمة " متجدد !!

[rabanzel]

السلام عليكم ورحمة الله وبركاته
جزاكي الله خيرا صاحبه الموضوع طبيبه المستقبل
ان شاء الله هاحاول اشاركك في الحمله لان انا بجد متحمسه ليها جدا للدفاع عن النقاب واهله وانا الحمد لله من اهل النقاب
بس في البدايه احب اتكلم عن موقفين حصلوا وأشوف رأيكم فيهم
الأول حصل ليا أنا شخصيا
أنا حاليا في اعدادي هندسه وانا بفضل الله منتقبه من الثانويه العامه
وفي امتحان السنه الي فاتت (يوم امتحان التفاضل بالظبط) تخيلوا ان رئيس اللجنه أصر ان انا مامتحنش الا وانا رفعه النقاب
والأغرب من كده انه يخلي المراقبه المنتقبه عليا ترفع نقابها كمان
نفسي حد يقنعني بسبب المهزله دي
انا بصراحه فعلا رفعت النقاب وانا بامتحن يومها بس الحمد لله المراقب الي كان واقف عليا فضل قاعد ورايا
وقدر الله وما شاء فعل
الموقف التاني حصل السنه دي
الكليه بتاعتي في بورسعيد وفي طالبه مغتربه معانا منتقبه من دمياط جت مدينه جامعيه عندنا
تصوروا ان هما مرضيوش يخلوها تدخل المدينه الا اما تخلع النقاب وأصروا على كده
بس الحمد لله نصحناها انها تقلعه وهي دخله المدينه وتيجي بيه الكليه عادي والحمد لله اقتنعت
بس نفسي حد يقولي كل ده ليهحته قماشه موضوعه على الوج عملتلهم ايه يعني فسدت الشباب ولا عملت ايه
لأ والأغرب من كده ان المنتقبات في الكليه ليهم سجل خاص بنسجل فيه حضور كل يوم غير باقي الطلبه مبيسجلوش حضور أصلا
مش عرفه برده ليه
هنعملهم عمليه ارهابيه مثلا ولا هنفجرلهم الجامعه مش عرفه
نفسي اعرفهم ان احنا زي باقي البشر بناكل ونشرب وننام ومنفرقش عن البشر في حاجه غير اننا نفسنا منفتنش الشباب
وربنا يهدينا جميعا ويوفقنا الي ما يحبه ويرضاه لنا
آسفه على الاطاله بس الواحد لما يبقى دمه محروق مبيعرفش يمسك نفسه
جزاكي الله كل الخير على الموضوع يا طبيبه المستقبل
منتظرين مشاركاتك لتفعيل الحمله
تقبلي مروري