تجمع طلبة تجارة "انجليزي" جميع الجامعات 2009/2010

vampire1188 · #11 30-09-2009, 10:53 PM

اقتباس:

اصل انا كانت فارقة معايا درجة والنهاردة بالصدفة فى الشئون لقيت واحدة بتقول كشف الالتماسات اللى ناقص نص درجة او درجة بسئلها قالتلى اسمك اية ولقيت اسمى معاهم وانى قبلت واللة روحت فى نفس الوقت جبت المصاريف ودفعتها

مانا قولتلك .. اللي بيحصل ان الكلية بتعلن عن عدد معين هايتم قبوله وليكن 600 مثلا

الـ 600 دول مش كلهم بيتقبلوا .. بيسيبوا حوالي 20 او 30 اسم للناس بتوع الـ IG والالتماسات

غير كدا كمان فيه ناس بعد مابتتقبل مابيقدروش يدفعوا الفلوس او اي ظروف تحصلهم ..

فا بيجبوا الناس اللي اترفضت ويدخلوهم بداله .. طبعاً بأولوية المجاميع (اللي هوا برده الالتماسات)

يالا اهو المهم انك اتقبلتى وخلاص .. انتي غالبا هاتبقى جروب C ..

عموما الكشوفات هاتنزل على اول يوم دراسة ان شاء الله (دا ان ماكنتش نزلت اصلا)

ابقي اعرفي اسمك وشوفي تبع انهي جروب الاول ..

وبعد كدا دوري على الجدول بتاع الجروب بتاعك والتزمى معاه

طبعاً اكيد انتي عارفه ان في تجارة انجليش بالذات مافيش حد بيحضر معا حد ..

الا فى المحاضرات اللي بتبقي في المدرج الرئيسي في الدور الارضي أو السكاشن ..

ودا اسمه الـ audit .. اختصارا لكلمة auditorium يعني مدرج

ودي بتبقي في مادة الـ economic بس تقريباً .. بيتجمع فيها كل الجروبات التانية

"عشان هيا مادة من كلية اداب اصلا"

اهو المهم ان انتي ملتزمة بجدولك وخلاص .. عشان عندكوا فيه حضور وغياب

يالا ربنا معاكى بقى