اخركلام في موضوع الانتساب

[neighbour2moon]

3a2e

اولا كل سنه وانتم طيبين و عام سعيد عليكم ان شاء الله

موضوعات كتير اوي في الفتره الاخيره و اساله اكتر بدات تتسال علي موضوع الانتساب و هيتلغي ولا لاء ؟؟

اعرفكم بنفسي الاول : انا محمد تانيه تجاره انتساب المنصورة ..تقدير جيد جدا لكن عشان معايا اداره اعمال من الترم الاول منفعشي اني احول انتظام

مبدئيا اي كلام يتقال لك دلوقتي ان مفيش محاضرات انتساب او في الكلام ده كله هيكون غلط .لان لحد دلوقتي مفيش قرارات اكيده

كل دي خطط بتحطط وبتتدرس وبيشووفوا انهي الصح

و طبعا الكلمه الاخيره هتبقي قبل بدايه الدراسه مع نزول جدول للانتساب ..لو الجدول نزل وفيه محاضرات لينا طبعا هنروح غير كده

هتبقي زي ما موقع جامعه المنصورة قال المحاضرات بتاعتك هتبقي من علي الهواء ولو مش عرفت تشوفها فا هتتسجل و تترفع علي موقع الجامعه


ودي نماذج من موقع الجامعه للاخبار

إعلان هام لطلاب الجامعة

استعدادا لمواجهة خطر انتشار أنفلونزا الخنازير، فإنه سوف يتم بث بعض محاضرات كليتى التجارة والحقوق على الإنترنت من خلال موقع الجامعة

كما أنه أيضاً سوف يتم تسجيل هذه المحاضرات ووضعها على نفس الموقع حتى يتمكن الطالب من تحميلها في حالة تعزر متابعة البث المباشر للمحاضرة

وسوف يعلن لاحقاً عن مواعيد هذه المحاضرات

تجربة نظام جديد لبث المحاضرات عبر الإنترنت

يمكنك الآن المشاركة في تجربة لبث بعض المحاضرات عبر الإنترنت وذلك بالدخول على موقع بث المحاضرات



رجاء تحميل برنامج الـ Live Meeting عند طلب ذلك

نيجي بقي لشويه اساله الناس بتسالها هوة

الانتساب هيتلغي بقي كده خالص

طبعا لاء دي في فتره تقشي المرض و اعلن وزير الصحه المصري ان المرض هيزيد عندنا في فتره الخريف و هيبدا ينتشر

فا دي مساله وقتيه لحد ما ربنا يرحمنا ويبعد عننا المرض ده و كل حاجه ترجع زي ما كانت

انا هستفيد ايه اما المحاضرات تكون علي النت و الانتساب ده يتلغي يعني ؟؟
انا اقول لك انت دلوقتي المحاضرات بتاعتك هتتحمل من علي النت .. او هيكون في قرص مدمج مع الكتاب بتاع الماده

السي دي ده اللي بيبقي مع الدكتور بتاع الماده واحنا بنقعد نكتب وراه ..يعني هيبقي كل حاجه في ايدك

وتسمع محاضرتك اكتر من مرة زي ما انت عاوز ..يعني بقي التقدير سهل في المواد خلاص كده


اشمعنا انتساب هيه اللي هيلغوها و اشمعنا التجاره والحقوق دونن عن باقي الكليات ؟؟

لان السنه اللي فاتت كان عدد طلبه انتساب 4500 طالب و الانتظام 150 طالب فقط

وهما عاوزين يقللوا الزحمه في الجامعه مش معقول بقي هيروحوا يلغوا الانتظام ويسيبوا الانتساب يعني

في سؤال تاني .. طيب ما هوة ممكن طالب الانتظام ده هوة االلي يبقي مريض مش طالب الانتساب ؟؟

هقول لك ماشي ما اهوة انا طالب الانتظام ييبقي تعبان و يعدي 1500 احسن ما يعدي 4500 طالب

وللمرة التانيه اهوة القرارات لحد دلوقتي مش اتاخدت بالاغاء يعني ممكن يكون في محاضرات للانتساب لو علي الاقل بالتبادل مع انتظام

يعني هيكون ميعاد للنتظام و التاني لانتساب او حتي ايام كل فرقه

0