لو سمحت يا جماعة محتاج نصيحة من كل طلبة حاسبات وبذات الخريجين

[comsc]

بسم الله الرحمن الرحيم ازيكو يا جماعة عاملين ايه يا رب تكونوا بخير
كنت عايز اخد رأيكوا في موضوع
بالنسبة لموضوع الكورسات انا دلوقتي داخل سنه تانية حاسبات ومعلومات جامعة عين شمس وانا في سنه اولى كنت متحمس اوي للكلية وكتير من بره الكلية نصحنى ان انا معتمدش على اللي بدرسوا في الكلية واهتم اكتر بالكورسات بره وكتير قاللي دية كلية هتاخد منها شهاده زي اي شهاده المهم الخبرة والكورسات عشان كده اول مدخلت سنة اولى بدأت اسأل زمايلي ايه رايهم في موضوع الكورسات في الاجازه كتير جدا منهم قالولي ( امال انت داخل الكلية تعمل ايه )
المهم قررت ماخدتش برأيهم واحاول
اجتهد مع نفسي في الموضوع ده ولقيت الحمد لله صديق شجعني
وبعد الامتحنات رحنا انا وزميلي نحجز كورس في c++ على اساس هنلاقي جديد غير الل احنا خدناه في الكلية
لكن للأسف كان كورس انا وزملي اعتبرناه فاشل بالنسبة لينا مع ان كنا بناخد في مركز محترم جدا ومشهور وكان اللي بيدينا واحد خريج حاسبات ومعلوماتلكن المشكله هو شغال سي شارب مش c++يعني مش خبره اوي في اللغة دي لكن على كل حال ربنا يجازيه عنا خير وكمان كان في مشكله الناس اللي كانوا بيخدوا معانا معندهمش خلفية بلغة c++ ومعظمهم كانوا من هندسة وكانوا لسه داخلين اقسام كمبيوتر وكده ومفيش غيري انا وزميلي في حاسبات وبالتالي المنافسة هتقل بنا لان احنا سبقينهم بسنة وكمان حسانا ان احناعندنا خبره عن المهندس اللي بيدينا المهم خلصنا الكورس فقررت ان انا اخد كورسات مخدتهاش في الكلية لأن الصراحة مفيش احسن من كلية الحاسبات في البرمجة والمعيدين كمان ولا اي مركز يقدر يوصل المعلومله زي مبتخدها في كلية الحاسبات من دكاتره ومعيدين
معلش طولت عليكو
مشكلتي دلوقتي انا داخل سنه تانية مش عارف اخد كورسات اية اللي هتفيدني في السنوات اللي جاية وخصوصا في سنه رابعة عشان مشاريع التخرج وكده واخد فين بظبط
بس تكون كورسات وحاجات مش هخدها في الكلية بعد كده
معلش كمان مره طولت عليكو
ارجوا الرد سريعا