#11
|
||||
|
||||
![]()
ده يا جماعة رد على الطلبة
اللى كانت بتشتكى من الكلية والمشاكل اللى فيها وممكن تلاقى بعض الدكاترة مش بيشرحوا كويس والبعض الاخر متميز وهتلاقى نفسك شوية متلغبط وتاية دة طبعا عادى متقلقش كلنا كنا كدة لما كنا فى اعدادى لو لقيت الجدول كل شوية تتغير (جداول المحاضرات او السكاشن ) عادى دة طبيعى فى البداية ممكن كمان الدكتور ميجيش اول محاضرة ولا حاجة او ممكن يغيب كذا محاضرة متقلقش لما الدكتور ييجى هيعوضهالكوا فى ميعاد تانى هيتفق هو معاكوا علية لان اعدادى 3 الاف طالب مقسمين ست مجموعات والمجموعة 500 طالب كل مجموعة ممكن يبقى فيها دكتور غير المجموعة التانية وممكن انت تكون فى المجموعة التانية مثلا ومش عجبك الدكتور بتاعها فتنقل على اى مجموعة تانية براحتك من غير اى اجراء ولو وكمان ممكن الشيت يتاخر عن النزول والشيت دة كام ورقة كدة فيها مسائل على فصل من الفصول متقلقش هينزل هينزل لو لقيت الطلبة بتروح المكاتب كتير متقلدهمش وتروح لانهم بعد ما يشتروا المذكرات من المكتبة ال امام الكلية علطول ممكن ميروحوش المحاضرة ويطنشوا والمحاضرة بتسهل عليك كتير الفهم ممكن تحضر المحاضرة وتشترى مذكرة معاها عادى بس اساسى المحاضرة والسكشن ممكن تتفاجىء بدكتور سمير فى الفيزيا مثلا بيديك هتلاقية مبتسم علطول وبيتحرك كتير على البنش ومش ثابت عادى ركز فى كلامة ومتركزش فى حركاتة وابتساماتة وكدة وانت هتفهم واقعد ادام فى اول صف لو دخلك دكتور يحيى بتاع الفيزيا اقعد ادام لانة سريع الكلام شوية ممكن متلحقش تلقط م نة بالنسبة للرياضة دكترة كلها جامدة والميكانيكا كمان كلهم جامدين والاسقاط والرسم بس الحايب والانتاج هى مواد اساسا عملى اكتر يعنى هتخش المحاضرة ممكن متفهمش حاجة بس لما تخش السكشن هتاخد عملى وهتفهم النظرى ال انت كنت مش فاهمة فى المحاضرة متقلقش والحاسب كلة كلام كتير واهم شىء مقدمة البيزيك فى البرمجة الامتحان بتاع التيرم كلة منها وفى حاجة اسمها ال searchفى البرمجة كلها فى الامتحان يعنى ركز على الحاجتين دول الانتاج زاكرة من المذكرة عشان مش هتعرف تكتب فى المحاضرة لان الدكترة سريعة جدا والكتاب فية كل حاجة بس ممكن تتو ة جواة فاحسنلك تشترى مذكرات الدرس بدرسة فى الانتاج بس واشترى لمعيد واحد لان كل معيد بينزل مذكرات فى المكاتب وانت بتصورها فتابع مع واحد بس دة فى الانتاج اما حقوق الانسان مادة مش فى المجموع احضر اول محاضرتين واكتبهم كلهم ومتحضرش تانى وفى الامتحان اكتب اول محاضرتين فى السؤالين ال هيجولك هتنجح لانة بيدور فى الاجابة على الطالب ال حضر او محضرش مش بيدور على اذا كان كلامك صح ولا لا وساعات بيقول حاجات فى اول محاضرة مش هتلاقيها فى الكتاب هى دى ال بيدور عليها فحاول تكتب اول محاضرتين كلهم كدة بالتفصيل اما بالنسبة للرياضة ممكن تلاقى دكتورة بتتكلم عربى على انجليزى عادى هتتعود علية ومتقلقش والكيميا حلوين شوية ولو مفهمتش فى المحاضؤرة فاكيد هتفهم فى السكشن احفظ اماكن السكاشن وعلمهم من الاول عشان متوهش يارب المعلومات دى تفيدكوا يا جماعة |
العلامات المرجعية |
|
|