مشكله معايا مع رمضان تقدروا تحلوها لى

[Free Mind]

بسم الله الرحمن الرحيم

كل سنه وانتو طيبين ويا رب تكونوا بخير وتقبل الله صيامكم يا رب

فى مشكله كده كنت متردد ادخل العضوية بتاعتى لكن قولت لو شافوا عضويتى اكيد هيساعدونى اكتر علشانها

المشكله انى مش حاسس ان رمضان جاء بصوم وخلاص ومش بعمل حاجة غلط
الصلاة انا ضيعت صلاة العشاء امبارح - وحتى مش صليت التراويح
السنه اللى فاتت كنت فرحان اوى ان رمضان جاء وختمت المصحف وكنت طول النهار فى المسجد ومش سبت ولا تراويح ولا حتى صلاة هو فى اية دلوقتى فيا يمكن علشان كنت بعمل حاجات غلط كتير قبل رمضان ولا اية ؟؟ مش عارف حاجة مش حاسس انى فى رمضان حاسس انى مش باكل ومش بعمل حاجة غلط وخلاص هو انا قلبى بقى وحش كده ومش مستعد يتصلح ولا محتاج عناء كبير ولا اية ؟؟
انا مش كنت كده والله وحتى طول الاجازة مش قرات غير ربع حتى منهج سنه تانيه مش حفظته
اتعلمت حاجات وحشه كتير فى الاجازة بسبب ولاد خالى كنت بمشى معاهم ويعاكسوا البنات بس كنت بتفرج بس
انا مش عارف اعمل اية مش عارف ابدا منين ولا اعمل اية يا ريتهم ما كانوا هنا السنه دى خالص وكانوا علطول مسافرين انا اتخنقت وزهقت اوى ومش عارف اعمل اية