!!!!!!!!! مفاجأة !!!!!!!!!!!!

[الباش مهندس]

بسم الله الرحمن الرحيم

كل سنة وانتوا طيبين بمناسبة
( شهر رمضان الكريم )

ان شاء الله هقدملكوا النهاردة حصة جميلة جداً ويارب تعجبكوا وهي هتكون في فرع شديد هو :
( فرع النحو )
والنظام اللي هعملو معاكو هيكون كالآتي :
انا اروح اخد الحصة
وبعدين اجي من الحصة
وبعدين اذاكر الحصة
وبعدين اترجم الحصة للغة سهلة وبسيطة
وبعدين اقدمها لحضراتكم علي طبق من دهب علشان تستفيدوا كلكوا زيي
( ايه رايكم بقا ؟؟؟؟ )
والحصة هتكون علي هيئة محادثة بين واحد ذكي نسبياً
والتاني غبي اوي غبي اوي عامل زي رمزي كدة
بس هتكون محادثة طويلة شوية
سمي انتا بس وخدها جزء جزء مش مشكلة
وخليك عارف ان في شخص منهم هيكون لون كلامو احمر
وشخص تاني هيكون لون كلاموا ازرق
وانا لون كلامي معاكم هيكون اسود
اوكي ؟

وحصتنا هتكون بإسم
( أساسيات الإعراب )
نسمي الله كدة ونبدأ


خلاص سكوووووووووت
الحصة بدأت

سلامو عليكوا

وعليكم السلااااااااااام ورحمة الله وبركاتو

ازيك يا واد عامل اية ؟

تمام الحمد لله

وازي بابا وماما واخواتك ؟

ما قلنا تمام الحمد لله

امال انتا جبت كام السنة دي ؟

انتا ليك فيه ؟

لأ بجد والله

يا ابني انا وبلا فخر السابع علي المدرسة

كداب !

اه وربنا حتي اسأل

طب بص أنا فعلاً في سؤال محيرني في الهباب اللي اسموا النحو دا
ممكن تجاوبلي عليه ؟

ياابني انا بقولك اسأل علي نتيجتي في المدرسة مش اسألني في المنهج
وعلي العموم أنا شاطر في النحو وهجاوبك
ايه هوا سؤالك ؟

بص يا نجم السؤال بيقول
ازاي نقدر نطلع المضاف إليه من قلب القطعة ؟

سهلة

طب ازاي !

بص يا سيدي
1- لو عندنا اسم نكرة لقيت بعديه اسم معرفة

ههههههههههههه
ولا فهمت حاجة
اديني امثلة

حااااااااااااااااااضر

نهر النيل
قلم الطالب
ورق الحائط
طبق الغسيل
فيلم الموسم
منتدي البوابة

كل دي امثلة تنفع يا مان

بس كدة هي القاعدة دي اللي عندك ؟

لا لا لا لا لا
استني خد دي كمان

2- اي اسم يقع بعد ( كل - جميع - نفس - عين - أي - غير - بعض - سوي )
ويا ريت تشغل مخك معايا
انا بقولك اي اسم
ها
اي اسم سواء بقا كان نكرة او كان معرفة

الله
بس كدة يعني لو شفت اي اسم بعد اي كلمة من دول اعربها مضاف اليه ؟؟؟؟

ايوة يا سيدي وانتا مغمض كمان

طيب في عندك قواعد تاني للمضاف اليه ؟

ايوة بص بقا القاعدة دي

3- اي اسم يقع ( كلا - كلتا - مع - الظروف - الأسماء الخمسة )
وطبعاً انتا عارف الظروف
( يعني ظرف المكان وظرف الزمان )
( يعني فوق تحت امام خلف بعد قبل ..... وكدة يعني )

طب واية الأسماء الخمسة دي كمان ؟

يا راجل في حد ما يعرفش الأسماء الخمسة ؟

معلش

طب بص الأسماء الخمسة دول
( أب - أخ - حم - فو - ذو )
ودول بيرفعوا بالواو
وينصبوا بالألف
ويجروا بالياء

طيب تمام والله
خلص كدة ؟

انا معرفش انتا مستعجل ليه ؟
ايوة يا عم خلص
وممكن أسألك انا بقا أشوفك فهمت حاجة ولا لأ ؟

اتفضل اسأل

طيب يا سيدي طلعلي اي مضاف اليه يقابلك من القطعة دي
(((( قامت ناهد بعمل حفل عيد الميلاد فحضره كل الأصدقاء وجميع الصديقات غير مني وسوي سماح وكان الحفل فوق السطوح
وتحت السماء بعد الظهر وقبل العصر وجاء بعض الأقارب ومنهم أبو الصديقة وسأل عن أي فقرة يبدأ بها الحفل وحضرت كلتا
الصديقتين الحفل مع الآخرين )))
هااااااا ؟
هتعرف ولا أمشي ؟

لا استني بس أنا بدور أهو
طلعتهوملك اهو يا صديقي
( الميلاد - الأصدقاء - الصديقات - مني - سوي - سماح - السطوح - السماء - الأقارب - فقرة - الصديقتين )
تمام ولا ؟

شااااطر شااااااااااطر
انتا بس نسيت كام كلمة كدة

انتا هتمثل

اه والله

طب قولهم لو جدع

بص يا سيدي
عندك ( الظهر - العصر - الصديقة - الآخرين )
هاااااااااا؟

معلش يا صاحبي انا اسف

لا ولا يهمك المهم بس تكون عرفت غلطك

ولا انتا شكلك شاطر بجد
انا عايزك تعرفني اي حاجة كدة عن التمييز
ممكن ؟

طبعاً ممكن
بص يا معلم
1- اي اسم نكرة يقع بعد وزن أفعل

ازاي يعني ؟

زي كدة
أنت أحسن الناس خلقاً (( مثلا يعني مثلا ))
شفت بقا احسن دي علي وزن أفعل

امال فين التمييز

خلقاً يا عم خلقاً

اه ه ه ه بس دي مش جاية بعدها

ايوة فاهمك هي مش لازم تكون بعدها علي طول
وخد بالك ان هي لازم تكون نكرة ومنصوبة

تمام طب في تاني

اه خد دي

2- اي اسم نكرة يقع بعد أفعال الزيادة والنقصان

واية كمان افعال الزيادة والنقصان دي ؟

يعني مثلاً
( فاض - زاد - امتلأ - قل - نقص ...... )

ايوة ايوة فهمت
طب ممكن مثال

اوي اوي

فاض النيل ماءً
قلت السماء مطراً

خلص كدة

يا عم كفاية عليك كدة
ها عايز تعرف حاجة تاني ولا امشي ولا اية ؟

لا بس ممكن انتا تعرفني كام قاعدة كدة من عندك ؟

هعرفك وامري لله

1- بيقولك بقا لو اي اسم جية بعد كلمة
( إنما )
يعرب ( مبتدأ ) علي طول
واي اسم بردوا يجي بعد كلمة
(لولا)
يعرب مبتدأ
زي كدة يعني

إنما المؤمنون إخوة
لولا الماء لمات الزرع

( المؤمنون - الماء ) يعربوا مبتدأ مرفوع

طب هوا فين خبر لولا ؟

سؤال حلو اوي وفيه ذكاء منك
قالو ان خبر لولا دا
( محذوف تقديرة موجود )

انا مش فاهم حاجة

ولا انا
اكتبها بس كدة

اه فهمت يعني كإن في كلمة ( موجود ) مكتوبة بعد كلمة الماء

ايوة برافو عليك

2- خد بقا الأفعال اللي بتنصب مفعولين اهي

هات

( ظن - حسب - زعم - خال - علم - أعطي - منح - منع - جعل - وجد - رأي - كسا - ألبس )

هما دول ؟

ايوه يا سيدي هما دول

طيب ممكن مثال ؟

اوي اوي

يكسو الله الطائر في كل زمان ومكان وعلي مر العصور والأزمان ريشاً
اهو الطائر دا مفعول به أول
وريشاً مفعول به تاني

ياااااااااااااااااااه
هي ريشاً محدوفة بعيد ليه كدة

هوا كدة أصلها بتيجي بتمم معني الجملة كلها

اوكي

وخد بالك من حاجة

اية ؟

ان الافعال اللي فوق دي ممكن تيجي في صيغة
الأمر او المضارع او الماضي
يعني ممكن اقول
( أعطي او يعطي )

ماشي ماشي

3- في قاعدة علي السريع كدة بس حلوة

قول يا معلم قول

بيقولك ان اي اسم يقع بعد ضمير منفصل يعرب خبراً

طب وهو اية الضمير المنفصل دا ؟

( انا - انت - انتِ - انتم - هو - هي - نحن )

الضماير يعني ؟

الضماير المنفصلة بس

طب قول مثال والنبي

طب قول لا اله الا الله

لا اله الا الله

انا طالب
هو مهندس
نحن تعساء اصدي سعداء

ههههههههههههههه
تمام تمام

4- لو لقيت كلمة
( أيها )
أو كلمة
( أيتها )
وبعديهم اسم معرف بالف ولام
يبقي تعرب الإسم دا وانتا مغمض
( نعت مرفوع)
زي مثلاً ما نقول

يا أيها الطالب
يا أيتها الطبيبة

أصلي أوي
دا انتا باين عليك هتطلع مدرس ابن لازينة
قول كمان واطربني قول

حاضر حاضر
خد القاعدة دي بقا هدية

هات

5- لو شفت اي اسم من اسماء الاشارة
( هذا - هذه - هذان ..... )
وبعديهم اسم معرف بردوا بالف ولام
يبقي تعرب الاسم دا
بدل مطابق

طب قول مثال كدة !

هي دي محتاجة مثال

معلش

والله ما انا قايل
بلا معلش بلا قرف يا عم
انتا خنقتني
بقالي ساعة واقف معاك بشرحلك
وانتا شكلك ما فهمتش اي حاجة

لا والله فهمت

كداب في اصل وشك

طب حتي اعملي اختبار

بلا اختبار بلا نيلة
انا غاير في داهية من قدامك لا يجيلي حاجة في نفوخي ولا حاجة
جتكم نيلة مليتوا البلد

وبكدة زي ما احنا شايفين قلبت في الآخر بخناقة
وزعلوا من بعض ومشيوا
بس ما تقلقوش
ان شاء الله انا هصلح بينهم وهاجيبهم تاني علشان يفهمونا اي حاجة في اي حتة
وارجو ان انتو تكونوا استفدتوا من الكلام دا
سلالالالالالالالام


(((( الكلام دا كلو خاص بمنتدي بوابة الثانوية العامة )))
(((وغير منقول من أي منتدي أخر )))
((( ولكنه من عملي الخاص )))