ركن المهيسين فى المنتدى ( عايز تضحك خش وسلم مش عايز اقعد ع السلم )

[نغم البحر]

زى ما وعدتكم يا شباب انى هعملكم مفاجاة فى جرس الفسحة

اهى دى المفاجاة ركن المهيسين ومحدش يفهمنى غلط انا قصدى ركن للضحك والمرح

اى حد زهقان يتفضل عندنا ولازم يضحك انا هنزلكم مواضيع مضحكة هنا وبرضو هنتكلم مع بعض

ونتناقش فيها ويللا استلموا اول وصلة فى التهييس

--------------------------------------------------------------------------------

مرة واحد دماغه لفت قابلها م الشارع التاني!

مدرس إنجليزي بيسأل تلميذ "جوز هند بالإنجليزي يعني إيه؟" قال له "كوكونت"، الأستاذ قال له "حطها ف جملة مفيدة" قال له "كوكونت من الشباك"

مرة واحد ركب دماغه عمل حادثة

مرة واحد كبر دماغه ما عرفش يقلع الفانلة

دكتور جلدية ماشي ف جنازة أبوه بيمصمص ويقول "تنية!"

اتنين بلدياتنا زهقوا من الضحك عليهم فسافروا الهند، أول مانزلوا من الطيارة لقوا الهنود بينحنوا عشان يحيوهم، فواحد منهم سأل الثاني: هما بيحترمونا كدة ليه؟ قال له: أصلهم هنا بيعبدوا البقر!

راح ديك ينصح فرخة، قال لها: بقى ياخدوا منك البيض وانتي ساكتة، قالت الفرخة: احسن من اللي يأذن ومايصليش!

محشش سأل واحدة اسمك إيه؟ ردت: أسماء ، فقال: يعني ما فيش اسم محدد؟!!

مرة ولد صغير راح لجارته وطلب منها إنها توريه لسانها فسألته ليه؟، فقالها عشان ماما بتقول ان لسانك زي العقربة.
استنوا عليا دا انا مش هاسيبكم إلا لما تموتوا من الضحك