إيه اللى بيحصل لينا ده؟؟!!!!

[أحمد2025]

ــ (( السلام عليكم ورحمة الله وبركاته )) ــ
أزيكم ياجماعة عاملين ايه؟؟ وإيه أخبارك؟؟ يارب فى الجنة جميعا ان شاء الله
مش عارف اتكلم واحكى فى ايه
يعنى كنت بتفرج على احدى القنوات من شوية لقيت بفى احدى البرامج بيتكلموا عن اعدام الشهيد المصرى حجازى فى ليبيا
بجد أنا مندهش من اللى بيحصل فينا ده
والد حجازى ووالدنه ومحامى على القناة دلوقتى بيتكلموا عن ابنهم الشهيد اللى اتعدم
أولا حجازى خد اعدام من الجلسه التانية (لا تعليق طبعا)
تانى حاجة ياجماعة والدة الشهيد حجازى بتقول الأتى:ــ
انها راحت لإبنها وهو محبوس 4 مرات وبتقول ان ابنها قالها انهم بيحطوا علية زيت ملغى علشان يعترف انه اللى ***
وعلى فكرة حجازى فى يد معوقة, والقاضى طرد المحامى بتاعة من المحكمة ومحامى تانى اهل القتيل هددوه وكانوا المحامين من ليبيا ليه علشان مينفعش يبقى فى محامى مصرى
والكارثة بقى اللى هى قالتها انها راحت للسفارة المصرية فى ليبيا وكل ما تروح يقولوا ليها ان شاء الله ,ربنا يسهل
وحجازى خلاص اتعدم وربنا وحده بس يعلم اذا كان هو *** ولا لا
ومحدش شاف المحضر واللى بيحصل فى المحضر
ببجد الواحد بيكتب وهو مقهور
والنهاردة واحد صحبى بيقولى جندى مصرى اضرب عليه نار من جندى اسرائيلى
واحنا قاعدين ولا فى حاجة
ولا حول ولا قوة الا بالله
وبلدنا زى الفل
والضرب شغال على قفانا
بجد بلد زى الفل طول ما احنا بناخد بالجزمة
هل تستمر الحكومة المصرية صامتة عما يحدث لشعبها المطحون؟؟
عليه العوض ف حكومة مش عارفة تدافع عن ولادها
والسلام عليكم ورحمة الله وبركاته