جهاز لاب توب للحاصلين على الرخصة الدولية

[moon tears]

السلام عليكم ورحمة الله وبركاته


ياجماعة إنتم مش معايا في إننا أكتر شعب بيسخر من نفسه ، ودايماً يتكلم ويتكلم . أصبحنا لا نملك إلا الكلام وبس. وغيرنا من البلاد بتتقدم وتتطور ويعلو شأنها وتزداد قيمتها وأصبح لها ترتيب بين العالم.

وبعد ما كنا أهم شعوب الأرض ، حأسيب لكم الحكم . وأنا متأكده إنكم مش حتخدعوا أنفسكم .

لو افترضنا إن موضوع المسابقه ،واللي يتميز حيكسب اللاب توب دي مجرد نصبايه _ كما يقول البعض_ طب ليه ما نخليهاش بدايه عشان نطور من أنفسنا ونحاول نرتقي بمستوى بلدنا ونعيد أمجاده اللي بقت مجرد أغاني بنسمعها بين الحين والآخر.
إيدنا في إيد بعض وما نحاولش نتكلم عن الفساد لأن الفساد موجود منذ أن خلق الله الأرض ومن عليها وسيظل موجود إلى أن تقوم الساعه . المهم إننا ننظر للجانب المبهج من الحياة ، ننظر للي أمرنا به المولى عز وجل. أمرنا بالسعي والتماس طريق العلم عشان يسهل لنا به طريق إلى الحنة إن شاء الله.
رمضان على الأبواب . كل عام وجميع أفراد الأمة الاسلامية بخير وصحة وسعادة. ويا رب كلنا نحقق كل مانتمناه ويحفظ بلدنا مصر .