اسباب هروب متفوقي الثانوية العامة من هندسة عين شمس(عقدة اعدادي) دليل التنسيق السليم

[KeMoZzAzZ]

احم
اسم الموضوع من الاساس مش عاجبنى
بصوا ياجدعان
زى ماحنا شوفنا البشمهندس بيتكلم بحيازيه تامة
انا مش عارف ليه بصراحه انت كارهه اوووووى هندسة عين شمس وبتتكلم عن بقية الكليات فل اوى كده
بس عموما انا هرد عليك فى حاجه مهمة اوى
ايه رأيك تخش حاجه ساهله اوووووى اووووى وتعيش حياتك ياسيدى وبأقل مجهود اهو عديت والحمد لله يابشمهندس
وتتخرج ماتلاقيش شغل
الله احلى عيشه دماااغ
انا قبل كده ركبت مع سواق تاكسى ...راجل محترم اوووووى والعربية شكلها محترم فعلا عجبنى بسأله انت خريج ايه قالى هندسة
وانه مش لاقى شغل فجاب تاكسى
يافرحتى
طبعا الحوار ده مش بينطبق على كل الناس
بس اللى عايز اقوله
انت داخل فى صراع يابشمهندس
صراع البقاء للاصلح ( ايه الكلام الكبير ده)
انت دلوقتى اما تروح تشتغل ويقولك انت خريج ايه يابشمهندس وجبت تقدير ايه
للعلم ان اللى جايب عندنا جيد فى عين شمس يساوى اللى جايب امتياز فى القاهرة
ده غير انك بتلاقى كل اللى معاك فى عين شمس حاسين بالجديه وبيدفعوك للأمام ويخلوك تاخد معاهم كورسات وبتاع
فعلا تحس انك بشمهندس
واما تيجى تشتغل تلاقى معاك شهادة وان شاء الله تشتغل على طول

عارف
انا كان نفسى احول واخش هندسة طيران
بس بصراحه يعنى بعد اما عديت اعدادى هندسة عين شمس وحسيت اللى فيها وشفت بتوع القاهرة
قولت لأ انا افيدلى وافضلى انى اكمل فى عين شمس لان كفايه الاسم
ولو كل واحد بص على اعداد المدبلرين والمتخلفين (يعنى شايلين مواد عشان الناس اللى لسه مش فاهمه ) فلو بصينا على دول طب وليه مانبصش على اللى ناجحين وجايبين امتيازات ؟؟؟
اه انا كنت بسمع الكلام ده السنه اللى فاتت اقول ياعم واحنا مالنا ومال الناس اللى بينجحوا ....مانت يابشمهندس بنص مذاكرة ثانوية عامه دى هتنجح ان شاء الله
لكن مش تقولى انك داخل هندسة عشان تريح
بقى بزمتك ده شئ عقل يصدقه !!!