... درس-1- انحناءات الزوايا ...

[MBM-MaDo]

السلام عليكم و رحمة الله وبركاته....

ازيكم النهاردة عاملين ايه واكلين شاربين نايمين صاحيين.....

المهم حلوين ومبسوطين...

و انا باكلم كابو النهاردة قالى ع فكرة مجموعة دروس للفوتوشوب ......

بس هوا مش هايقدر ينفذها عشان مشغول الفترة دى....

فانا ان شاء الله هانزل مجموعة متنوعة و عشوائية من الدروس...

ليس الغرض منها تعليم الفوتوشوب كبرنامج و انما كافكار و ابتكار....

و ان شاء الله مع الوقت هابقى اجيب دروس من مواقع اجنبية و عربية ......

متخصصة فى الفوتوشوب و اترجمها و احطها لكم....

وفكرة اى درس ليست تنفيذ الدرس و انما تطبيق فكرته بلمساتك الخاصة......

و مش هانزل الدرس التالى الا اما الاقى تطبيق من الاعضاء....

و يا رب نلاقى مشاركة من المصممين....

---------------------------------------------------------------------

درس النهاردة اسمه انحناءات الزوايا و ده هانفهموا مع بعض دلوقت....

الاول نفتح برنامج الفوتوشوب و نختار كما فى الصورة....



و بعدين نختار المقاسات اللى احنا عايزينها مع مراعة انها تبقى بيكسل و بيكسل\انش....

و الباقى اللى قدامه سهم يفضل عدم تغييره بس تغييرهمش بيضر..



بعد ما عملنا ملف جديد نبدأ الشغل....

باستخدام اداة التحديد نرسم الشكل بالصورة.....



و بعدين باستخدام اداة التعبئة نلون الشكل....

بعد كدة نختار قائمة تحديد ثم تنعيم كما بالصورة....



و نختار اى قيمة احنا عايزينها و لتكن 25 بيكسل....

لتصبح كما بالشكل...



بعد كدة ندوس ع Ctrl + Shift + I لعكس التحديد..

ثم نمسح الجزء المحدد بـ Del ثم Ctrl + D لالغاء التحديد...

ليصبح الشكل كالاتى....




و باستخدام ادام التحديد نرسم شكل كما بالصورة ادناه و نقوم بتعبئته بنفس اللون....



ونحاول على قد ما نقدر نظبط التحديد مع الشكل المرسوم...

و يطلع الشكل زى كدة...



و بتكرار نفس الخطوات مع الاتجاه المقابل...

نحصل على هذا الشكل...



تم بحمد الله....

و ملحوظة على جنب....خليك انت مبدع غير و بدل فى الخطوات و اطلع بحاجة جديدة ........

و ممكن تغير حاجة بسيطة و تعمل شكل زى اللى فى توقيعى ما هوا نفس الفكرة بس غيرت عليها.....

و انا اسف لو فيه تقصير فى الشرح لان ده اول شرح ليا فى اى حاجة....

و مستنى منكم التطبيق و انا تطبيقى الخاص ع التوقيع.....

سلااااااااموز سلااااامانجا..........

فى رعاية الله....