استجواب لكل الاعضاء اتفضلوا من هنا اتفضلوا

[nora93]

سلام عليكم
منورنا والله حقيقى بالموضوع ده
بس لو هتكلم تسمحلى اتكلم صح

-ليه بتتكلموا عن تسقيط البنطلون للشباب ده لبسهم وهما حريين فيه انت تتدخلى ليه؟؟
اولا فعلا هما حريين وده لبسهم زى مابتقول... بس نفرض واحد جه يتقدم لبنت وهو بالمنظر ده ومسقطلى البنطلون
تفتكر ابوها هيبصله ازاى اصلا ولاهيحترمه ازاى او يحس انه بيكلم راجل(انا اسفة فى التعبير).... دى حاجة.... الحاجة التانية: المحترمين اللى بيحافظوا على لبسهم ومظهرهم وفنظرى احس انه راجل بجد.... تالت حاجة والاخيرةوالاهم....ان نفرض شاب وتعالى نتخيل كده انه قابل-سيدنا محمد صلى الله عليه وسلم- تفتكر هيبقى ايه رد فعله؟ هيسلم عليه وهو مبسوط ولا هيقول يا أرض انشقى وابلعينى من اللى عامله ده( طبعا ده الشاب) ايه هيبقى شكله اصلا ولا منظره ولادين ولا مظهرومحدش بيبقى شايف نفسه.....

- ليه الشتايم اللى مش عجباكى اللى الشباب بيقولوها ان كانت فى هزار بينهم او خناقة بتوقفى وتسمعيها .... رغم انك ممكن تسيبى المكان اساسا؟؟؟؟؟
انت قلت رغم انى ممكن اسيب المكان اساسا.... ولو قولتلك انى اتعرضت لموقف وكانوا شباب ورايا وشتمونى فى ودنى( اسفة للمرة التانية فى التعبير) دى الحقيقة والله وبدون مبالغة ومش هقولك لبسى ومش لبسى انالابسه ملحفة يعنى مفيش اى تأثير منى عليه عشان يعمل كده.... وبعدين برضه هرجع لديننا....مش لازم احراج ليكو اكتر من كده...

- وبعدين مالك ومال شعره بتتدخلى ليه هى عندهم موضه ... احنا مالنا وماله موقفه ولا مقاعده ضربه بجل ولا بالجزمة حتي انتى مالك ؟؟؟؟؟؟؟

موضوع الشعر بيتوقف مع اللبس برضه والمظهر...

- ازاى كتير اوى من البنات عايزين مساواة تامة بين الرجل والمراة رغم استحالة ده وخصوصا فى مجتمعنا الشرقى؟؟؟؟

هو طبعا فى مساواة فى حاجات وحاجات تانية لأ... بس الرجل بيتفوق فى مجالات والمرأة فى مجالات تانية... الموضوع أبسط من كده على فكرة لأنهم بيكملوا بعض بجد فى حاجات كتيرة جدا...

وفي حاجه حلوة البنات طالعين فيها اليومين دول .. اذا شافت شاب انيك ع الموضه جينتل ... تقول لصحبتها شايفه الشاب دا .. بصراحه جامد جدا ... شوفتي لابس ايه؟ شوفتي ماشي ازاي ؟
ايه عمرك ما شوفتي ولاد قبل كدا ؟ فوقي بقي وسيبك من التخارف دي

اولا دى البنات اللى مفيش فى دماغها حاجة غير الشباب والكلام ده... هههههههه وبعدين اسمها ***انيق***مش الكلمة الغريبة اللى كاتبها دى...( عارفة أنى برخّم عليك) بس السؤال مش عاجبنى...
المهم اتمنى بجد ان كل شاب يرجع لدينه ومايقلدش غرب ولا الكلام ده وهتقولى انتى مالك... هقولك زى ما الشاب بيبقى ليه نظرة للبنت اللى بيختارها... البنت برضه بتبقى ليها نظره فى الشاب اللى قدامها... وعلى فكرة المحترمين موجودين اكتر واشكالهم معروفة وتقدر تميزهم ... انما غير كده..

ميرسى عالتوبيك الجامد ده لانى طلعت كلام محشور فى زمارة رقبتى... وده الحق سواء بنات او شباب انا مش باجى على حد... وميرسى يا جميل مرة تانية