بس لو اعرف فين اراضيكي

[أكرم المسيري]

<div align="center">بس لو اعرف فين اراضيكي</span>

حاسس بيكي وباغنيكي ومشتاق ليكي

حاسس بيكي والحب كبير
وباغنيكي واللحن حرير
ومشتاق ليكي والقلب اسير
**
زي الملايكة ما بشوفكيش لكن روحي بتتمناكي
زي المركب ... بحلم يوم اعرف مرساكي
مش راح امل وهفضل احبك
املي اوصلك اعيشلك اضمك
بس لو اعرف فين اراضيكي
كان صوتي يسبق يناديكي
وعيوني بالشوق تلاقيكي
وايديا تغرق ف ايديكي
**
<span style="color:#CC6600">نفسي اضمك نفسي اشدك نفسي تقولي بحبك مووت
نفسي اضمك وانسيكي سنين العمر
نفسي اشدك واعديكي معايا البر
نفسي تقولي بحبك مووت ولو ف السر
**
حيرتيني غربتيني شوقتيني يا بنت الايه

حيرتيني وعلمتيني محبش بعدك اي بشر
وغربتيني لما طلعت بقلبي وحيد اناجي قمر
وشوقتيني ادوب ف عنيكي واسيب على خدك احلى اثر
**
سامعك بتقولي مش بايديا
واهو آل يعني كان بايديا
هاااا

ناويه تحني وترحمي قلبي
ولا خلاص قررتي تخبي؟!
قولي بحبك يالا قوليها : يا حبيب قلبي</div>


*****
أكرم المسيري
23/7/2006