شهيدة الحجاب هل كانت إمرأة ((( غجرية ))))!!!!!!!!!!!!!!!!!!!

[جمال سراج]

السلام عليكم ورحمة الله وبركاته
شكرا لموضوعك يا ابله هدى
دعينى ادخل فى المفيد على طول وبلاش اقول كلام مكرر او ملوش لازمة
طبعا نحسبها شهيدة ان شاء الله ونحتسبها عند الله تعالى - الدكتورة مروة الشربينى - جزاها الله عن دينها والتزامها خيرا
ادخل فى الموضوع بقا بدون زعل وربما لانى شخصيا شفت كدا او دى معلوماتى - قد تكون خاطئة وقد تحتمل الصواب!!! وللجميع حرية الراى مع الالتزام بادب الحوار
1- كثيرا من البلاد فى الغرب كل ما تعرفه عن بلادنا انها متخلفة واننا لا زلنا نعيش عيشة اشبه بعيشة البدو ونركب الجمال وما الى ذلك - معرفش ليه يمكن عشان بيركزوا فى السياحة على الاهرامات والجمال وكدا - مش عارف!!!!
2-هناك من الاشخاص لما بيسافر بره لا يكون ملتزما باداب الدين او تقاليد بلادنا من الالتزام بدعوى المدنية والحضارة
يعنى فيه شباب ممكن يشرب خمور - او يتصرف كما يتصرف الاخرون وفق ثقافتهم
زى مثلا هناك الراجل لما ييجى يسلم على ست بيقبلها والست فى الغالب لا تقبل ست زيها
للاسف فيه ناس شباب ممكن تعمل كدا مع العلم بانهم لو عرفوا انك ملتزم بثقافتك دون تعصب هيحترموك
وقد تعلمنا هنا فى الثقافة الغربية ازاى ممكن الواحد يتصرف تصرف شيك ومقبول لاجبار الاخرين على احترامك
3- نقطة مهمة جدا - هناك شباب ليس هناك اى وعى او ثقافة دينية معتدلة بالمرة - لا بيصلى ولا بيصوم ولا التزام بطريقة لبس مثلا - كما ان هناك من لديه ثقافة تطرفية
بمعنى انه يعرف فى الدين مثلا ان اللى بيسرق بيتقطع ايده
ولا يعلم مثلا ان الدين قنن الكلام دا خالص عن طريق ايجاد اربع شهود - واذا وجدوا لازم يكونوا شهود عدول اى مشهود لهم بالعدل والصلاح - وان دا مش كتير الوقتى - اقصد العملية مش سبهلله كدا - دا لها ظوابط وحدود ولكن للاسف لدينا او الغالبية جهل وعدم وعى دينى سليم
* الناس دى ذوى الوعى المحدود واسمحيلى ان اسميه المتصرف هى المسئولة عن الاساءة لدينا بالخارج
يعنى تخيلى انى هتكلم مع حد اجنبى ميعرفش حاجة عن دينا - هل اول ما اقوله هاقوله اللى بيسرق بيتقطع ايده او القاتل بيتقتل او الزانى بيرجم - اكيد هيكرهنا اصلا مش دينا بس!!! فى رايى هو دا التطرف
التطرف معناه الجهل الدينى او الجهل بالامور الصحيحة للدين - وللاسف فى امور بسيطة يجهلها الناس عن الصلاة والصوم والعبادات المفروض يتقنها الناس الاول عشان هو دا سلوكنا!!!
دعونا من الكلام عن احقاد الغرب او غيره
دى حاجة مفروغ منها - بس لا ننسى اننا ممكن نكون سبب وسبب مهم فى هذا بعدم التزامنا بامور دينا الصحيحة والسليمة بعيدا عن التطرف والمغالاه
اتمنى مكنش خرجت عن موضوعك الى حضرتك والجميع خالص احترامى