بمناسبة موسم الكشرى!!

[الشفق الباكي]

ازيكم يااجمل اعضاء فى الدنيا

تمام والحمد لله والمزاج عال العال
يارب دايما
وحشتونى جدا جدا جدا
ماعلينا
ندخل فى المهم
بصوا بقى بمناسبة موسم الكشرى
اشمعنى الكشرى
معرفش هو دا اللى جا على دماغى دلوقت خليكوا معايا
افتكر جملة من فيلم طباخ الريس
طبق الكشرى بكام يامتولى
بخمسه جنيه ياريس
ماعلينا
يعنى على راى اللى قال علشان اسرة من خمس افراد تتغدى كشرى عايزالها 25 جنيه
ماشى ياريس معاك
طيب ياناس حد يقولى مرتب الموظف الحكومى كام فى الشهر
وعايز يأكل نفسه وولاده بكام
هههههههههههههه دا لو هياكلهم كشرى على لاغدا بس عايزله 750 جنيه
معلش دى الحقيقه ياريس والحقيقه ماتزعلش
ببقى احسب معايا كده ياريس
لو واحد عنده ابن ولااتين من دول بيسافروا ههههههههههه لا وكمان واحد بياخد دروس دا غير المذكرات والكتب والورق اللى العيال بتشتريها ياريس
لا اوعى اوعى تنسى ان العيال بتتعب عايزين دوا
لا وكمان المايه والكهربا
دول بس اساسيات الحياة اه دا احنا حاسبين وجبة اكل واحده الغدا بس
ههههههههههههههههه احكم انت ياريس
ومعلش يااللى قرأت الموضوع روح بوس ايد والدك انه معيشك فى البلدى وكمان كبرك وبقيت راجل او انسه محترمه وبيصرف عليك فى البلد اللى مايعلم بيها الا ربنا دى
بصوا الحسبايه دخلتلها فى0 100 جنيه ومعلش انا كرماكم فيها والغدا كشرى ومفيش عشا كمان
حد يروح يسأل بقى الناس دى مرتب الموظف كااااااااااااااااام؟؟؟؟؟؟؟؟؟؟؟؟؟
طيب خلاص دا بالنسبه لمتولى
خلينا مع نصه و طبق الكشرى
افرض انت قاعد دلوقت فى محل كشرى وقاعد جنبك راجل كُبرة من اللى محتكرين حاجات فى السوق ماهو ماتحلمش كتير هو كده كده مش هيقعد معاك فى محل كشرى بس دا تشبيه
انت جايب طبق كشرى صغنون على ادك وهو شويه شويه وهياخد المحل كله
طيب ياترى هيحس لو اخدت من طبق الكشرى بتاعه
هههههههههههههههههههههههههههههههههههههههه
اوعى تقولى لا علشان كده هتثبتلى انك مش عايش فى مصر
اه معلش هيحس ومش بعيد ياخد هو الطبق بتاعك ويحطه على بتاعه طفاسه بعيد عنك
هههههههههههههه
هم دايما كده عنيهم على اللى فى ايد الناس الطيبة
يعنى وراك وراك لحد ماتموت
يعنى واحد واخد السوق فى جيبه ومحدش بينافسه ومش مكفيه ان مفيش حد بينافسه
لا وكمان بيبيع للناس الحاجه باضعاف التكاليف والله انا خايفه شويه شويه يحسبوا حق اكلهم علينا
استر يارب
وفى الاخر ادعى ربنا يسترها عليك وعلى اهلك والناس اللى تعرفهم وتعيشوا فى البلد دى بصحتكم علشان قريب هيتاخد عليها ضرايب
بدل مايستخسروا فينا الهوا كمان ويتحسب علينا بفلوووووووووووس
وبيس بقى اشوفكم على خير
باااااااااااااااااااااااااااااااااى