يا ناس حد يعبرنى بقا !

[هانى الشرقاوى]

أكتر حاجة بتغيظنى وبتخلينى أشيط لما حد يعمل حاجة ممكن تكون تخصنى بشكل من الاشكال ومع كده يعملها من غير ما حتى يعبرنى أو حتى يقولى انه عملها ( واكيد مش أنا لوحدى اللى كده ) ....

أنا كنت عامل موضوع فى القسم الأدبى عن كلمات الأغانى الحزينه والموضوع ده تعبت فيه جدا جدا وفضلت أكتب فى أغانى من أول عبدالحليم وأم كلثوم لحد تامر عاشور وتامر
ودلوقتى داخل أشوفه أبص ألاقيه اتحذف ... فكرنى بأيام زمان
بس الأول كان لما كانت حاجة بتتحذف ان شاء الله حتى رد كان بيجيلى رسالة يقولى انه اتحذف
كنت بحس وقتها يعنى ان الناس دى بتحمل قدر من الاحترام للناس اللى بتتعامل معاها ... وكنت بعرف مين المشرف اللى حذف الموضوع أو الرد من الرسالة وأبتدى بقا أعرف منه الموضوع اتحذف ليه فى رسالة خاصة تانية .. أو على الميل لو كنا أصحاب .....
أما دلوقتى ولا حاجة من دى بتحصل
كل حاجة ممكن تحصل وانت اخر من يعلم .... ده لو عرفت يعنى ... مفيش حد أصلا ممكن يتواضع ويعبرك ويقولك موضوعك اتحذف يا اسمك ايه !!

نرجع للموضوع بقا
الموضوع ايه اللى وحش فيه ؟ وليه اتحذف ؟
وكان فين المشرف اللى حذف الموضوع من الاول ؟
ما أخدش باله حضرته الا بعد ما طلع عينى فى الموضوع وفضلت أدور وأكتب أو أنقل الأغنية من النت أو أطلعها من كتاب
يعنى بيتهيألى انه حضرته لو كان مركز معايا شوية وحذف الموضوع وهو لسه فى بدايته كان هيبقى الموضوع أخف من كده شوية
انما حضرته بدون أدنى اهتمام بمشاعرى وبدون أدنى مسئولية تجاهى ....حذف الموضوع ومكلفش خاطره حتى وقالى أنا حذفت الموضوع

يا ريت بقا حد يعبرنى دلوقتى ويقولى ليه الموضوع اتحذف ؟؟؟؟؟؟؟؟؟؟