تعالوا نعمل جمعية(هام علشانك مدرس او طالب او مشرف)

[abdelRhman772007]

1- ما الفرق بين النغمات التوافقية والنغمات المتوافقة؟
2- منشور ثلاثي متساوى الاضلاع توجد زاويتى سقوط 40 و 60 لهما نفس زاوية الانحراف
اوجد زاوية النهاية الصغري للانحراف.
3- علل :- عند تفريغ هواء اطار سيارتك تشعر بأن الهواء الخارج منه بارد بالرغم من ان الاطار ساخن.
النغمات التوافقية هى المعبرة عن عدد القطاعات فى الموجات الموقوفة و يكون نسبة تردداتها 1:2:3
و النسبة بين أطوالها الموجية مقلوب النسبة السابقة 1: 0.5: تلت
أما النغمات المتوافقة هى نغمات تنتج عن تداخل موجتين لهما نفس السعة و الاتجاه و متقاربين فى التردد
وتردد النغمة الصادرة يساوى الفرق بين تردد الموجتين المتداخلتين
2-أولًا السؤال ده خطأ و اتصلحت فكرته فى كتب اللى شوفتهم الوسام مراجعة و المعلم مراجعة متعدلة فكرة السؤال فيهم
المهم بنفترض المنحنى متماثل فيكون زاوية السقوط الصغرى متوسطهم 50 درجة
وتكون الانحراف الصغرى 2*50-60 (حيث ستين هى زاوية رأس المنشور) تساوى 40 درجة
3-لأن درجة حرارة الوسط الخارجى ثابتة فعندما يبذل الغاز شغلًا ليتمدد يكون ذلك على حساب طاقتة الداخلية فتقل الحرارة
(فكرة عمل الثلاجة -الأديباتيكية أو الكظمية-و على فكرة زيها لو جبت فلت أو راجون و رشيت لمدة نصف دقيقة أو دقيقة شوف ايه اللى هيحصل هتحث الإزازة زى ما يكون فيها ثلج)


أسئلة بالمناسبة
عرف الرنين فى الصوت ، أنماط النغمات ، الحركة التوافقية البسيطة

علل : قاع معظم الإناءات التى بها غاز مضغوط تكون قاعدتها مقعرة (زى أنبوبة الغاز أنبوبة راجون أو فلت ـ ـ ـ )

علل : يحسب عزم الازدواج بنيوتن فى متر فقط و لا يحسب بالجول

لو فيه أسئلة مشوفتهاش قبل كده متقلقوش لأنها مش موضع امتحان أصلًا



على فكرة جبت كتاب اسمه المعلم مراجعة فى أسبوع هو مقسم المنهج على سبع أيام

كنت بقترح إذا وافقتم يعنى نراجع المنهج معاه كده فى أسبوع

ربنا يوفقكم جميعًا و تدخلوا الكلية المناسبة ليكم