"ملتقى طلاب 3 ثانوي"

[هانى الشرقاوى]

المشاركة الأصلية كتبت بواسطة banzer

موقف زي الموقف اللى حصل لصاحبك وخصوصاً إنه كان من أعز اصحابك

اكيد الموقف ده حيفضل في الذاكرة ومش حيتنسي أبداً

لكن لما تتأثر بالموضوع تتأثر بإنك تاخد الموضوع كعظة وتعرف انه الدنيا ممكن تخلص بلحظة وانت بتهزر في اي وقت
لازم برده لما تفتكره تفتكره بالخير وتفتكر ايامكم الحلوة مع بعض

لكن متتأثرش بالناحية السلبية للقصة وتفتكر دايماً الموت والكوابيس وتحس الدنيا مش الدنيا وتحس نفسك حاجة تاني وما إلى ذلك

وانت مش مريض نفسي ولا حاجة بس متأثر بالموقف زيادة
وليك حق تشوف كل حاجة صغيرة جداً
فما الحياة إلا دقائق وثواني
وكل اللى فاكرها كبيرة وبيحاول إنه يبني ويعمر فيها كإنه حلخلد فيها يبقى غلطان

لو كل واحد عرف إنه الموت قريب والدنيا احقر من صراعاتنا على الملك مش حتلاقي اللى بيحصل دلوقتي

والموضوع حصل معاك من سنتين يعني فترة كافية لإنك ترتاح من الكوابيس والقلق

وححاول قبل ما تنام تتوضى وتقرى سورة قبل النوم وتقول دعاء النوم وتنام وحتنسى بعدها كل المشاكل

وتذكر إنه مفيش حاجة مرض نفسي هي مجرد مشكلة نفسية أنت تهيأتها وانت تقدر تغلبها

والمهدئات عمرها ما كانت حل لأي مشكلة

تعرف يعنى ايه خوف
الخوف ده احساس من أصعب ما يكون
لما تجيلك لحظات تخاف فيها من كل حاجة بتتحرك أو ثابته فى مكانها
لما تشوف نفسك على انك عملاق وسط عالم من الاقزام عقلات الاصبع ومع كده تكون اجبن ما يكون
وانا فى الحالة دى لما ببص ليدى والله ما بشوفها

على كل شكرا لردك
وان شاء الله اعمل زى انت ما بتقول