تقدر تقوللى ؟؟

[نغم البحر]

_ هو احنا فين.... والله جد انا مش بهزر

...احنا فى بلدنا والا احنا فين؟ .. اصل البلد دى غير بلدنا

.. البلد دى حالها مال م الناحيتين .

... اشى زرع فيه سرطان جبان عمال بينهش فى العيدان على هرمونات ف البرتقان ومطلعة عين الغيطان

... والفقر راشح ع الحيطان خرم الودان والحالة ( ج ) اه جبس يعنى والا العيال الغلبانين متقلوظين

على عود حديد متظبطين

.... والا الفراخ يالهوى من هم الفراخ من ورك شايل هم ومشاكل اشى الف وزة على ريش نعامة

على بيضة لسه فى ديل الحمامة يا اهل ريفنا خلاص قرفنا من دى التلامة

.... والا الشباب الغلبانين على كل امة تلاقى صايع بيبيع حشيش والبانجو باشا حاشا وماشا ما بينتهيش

بنى ادم انت ؟؟؟ طب تسوى كام ؟ عبارة تغرق ولا حد يلحق حتى الركام والاسم ال شركة (سلام)

طب سلام مربع يا جدع للحلوة عبارة السلام ..... وكمان سلام للغرقانين.

... على راى ستى كانت تقول اهى دى علامة يوم القيامة الخير فى نازل حتى المنازل بقت قمامة

يا اخواننا حد يقول لاهلى هو احنا فين ؟؟؟