معاق ذهنيا.......من حقه برضه

[أسيل رزق]

انت اتكلمت من ناحية إجتماعية و بس

و انا اتكلمت على ناحية انسانية وبس

لكن برده هرجع و أقول إن هما بشر ولهم حقوقهم زينا بالظبط وياما فى ناس أصحاء عقلياً وبيعتمدوا على أهلهم حتى بعد الزواج ولما يفقدوهم بيتدهور البيت وتصل الحكاية للطلاق و لو عاشوا مع بعض هتكون حياة مملة ملهاش أى ملامح

شكلك لسه مأخدتش مادة حروق الانسان فى الكلية

وعن نفسى فعلاً شفت معاقين ذهنياً سواء شباب أو بنات بيشتغلوا و بيتعلموا وعايشين حياتهم فى أحسن حال البنت بتعرف تتطبخ كويس وبتعرف تعلم الأطفال كمان والشاب بيشتغل و بيكسب

يمكن فى بلادنا مفيش كتير من المعاقين ذهنياً بالشكل ده ولا رعاية ليهم كافية

و زى ما قالت فيفا إن لو إتعملت مؤسسات لرعايتهم بعد الزواج أو فى حياتهم كلها زى بلاد برا أكيد هيعيشوا حياة طبيعية
للعلم بالشىء رعايتهم بدأت تتقدم عن الأول بس للأسف فى الجمعيات أو المؤسسات الخاصة ويمكن مش كلها .. بس فى أمل

حكومتنا هى اللى تعبانة ..لسه بيفكروا فى الدقيق اللى بيتسرق من المخابز و المجارى اللى دخلت على الميه و بطاقة التموين

ربنا يخليلنا حكومتنا ويزيد الخير فيها