ادعوا معايا ربنا يشفى هانى الشرقاوى

إيساف · #1 10-02-2009, 06:24 PM

هانى الشرقاوى
اسمه الحقيقى محمد
أطيب حد عرفته فى حياتى كلها
قلبه أبيض زى اللبن الحليب
أجمل شاب شافته عينى
أوسم رجل فى الدنيا
صاحب حسن الخلق والخلقة
هانى
الطالب بكلية اللغات والترجمة الفورية
والمنتسب للجامعة الامريكية والجامعة الروسية والمعهد البريطانى والمعاهد المتخصصة فى الايطالية والروسية
هانى بطل مصر فى الجودو وبطل الجامعات المصرية فى التجديف ولاعب نادى المقاولين العرب فى السلة وحريف الشطرنج عاشق السباحة والجرى
هانى الأديب والشاعر والروائى والكاتب السياسى والاجتماعى والاسلامى (رغم اختلافى معاه فى فكره ) بأسماء مستعارة فى أشهر المواقع العربية والاجنبية
هانى المعارض القوى فى حزب شباب مصر والمحرر فى جريدة شباب مصر
هانى أضغر مترجم فى جمعية المترجمين المصريين ومترجمى المتحف المصرى
صاحب الفرقة الموسيقية كل الدنيا وعازف الجيتار الرائع وعازف الساكسفون الاروع صاحب الصوت الحزين
هانى المخلص
لو قلت من هنا لبكره مستحيل هعد صفاتك يا هانى
كله ده فى حياة شاب عمره 19 سنة
بس هانى دلوقتى فى أصعب لحظات عمره
هانى مصاب بمرض نفسى اسمه انفصام عدائى ذاتى يعنى شيزوفرنيا عدائية على نفسه يعنى ممكن يضيع نفسه فى لحظة
وهناى حاول مرتين قبل كده الانتحار بس ربنا ستر
والموضوع بدأ معاه من فترة وفاة البنت اللى كان بحبها وانفجر لما مات عمه البشمهندس عمرو فى شهر العسل هو وعروسته فى قبرص من فترة قريبة أوى
عمه ده كان بيعتبره أخوه الكبير لأنه أكبر منه ب 5 سنوات بس

هانى بينهار وكل يوم بيتغير أكتر وصحته اتدهورت هانى الرياضى دلوقتى مش قادر يتحرك
هانى بكره هيبدأ أول جلسات الكهرباء
الدكتور بقول انها مهمة أوى علشان يقدر ينسى الاحداث القريبة مش البعيدة
هانى محتاجلنا دلوقتى اوى
أرجوكم ادعو معايا من قلبكم ربنا يشفيه أرجوكم
مافيش حد خالص من اهل هانى يعرف حاجة عن الموضوع ده لأنه عايش لوحده فى القاهره بعيد عن أهله ادعو معايا ربنا يرجعه لأهله أحسن من الاول
ربنا يحميك يا هانى ويشفيك
ويرجعك بألف سلامة