ليه -pourquoi-wh y

[نعمه محمود]

ليه؟؟؟؟؟؟؟؟؟؟؟؟؟
لبه الناس بقت كده؟؟؟؟ كده ايه؟
اقولكم حاجة غريبة اوووووووى مفيش حد بقي في حاله كل واحد بقي في حال غيره تصوروا؟؟؟؟
كلنا شاغلين نفسنا بغيرنا مش بينا . اقعد فى الشغل الاقي زميلة وقورة بتنهش في سيرة زميل او زميلة تانيه وعاااااااااااااااااااااااادى جدا تلاقيها في نفس الوقت بتتكلم عن القنوات الدينية وهى سمعت ايه وهاتك ياوعظ يا سبحان الله.
او نكون راكبين المترو وتطلع اى واحدة تتطوع راكبة من الموجودات في عربية السيئات وهاتك يا نقد في لبسها في سلوكها وممكن في عيلتها كمان!!!!!!!!!!!
حاجة تانيه بتضايقنى اووووووووووى
اكون في محل ملابس او بشترى اى حاجة الاقي واحدة سابت كل اللي في المحل ومسكت اللي في ايدى وحلفت ما تسيبه وطبعا حتى لو سابته عمرى ما هشتريه خلاص نفسي وقفت منه.
كمان اكون في اى مكان وربنا يرزقنى بواحدة تثبت نظرها معايا وهاتك يا تركيز .أسألها حضرتك بتشبهى عليا تقول لا.معجبة بيا .لا اومال بتبحلقي فيا ليه؟؟؟؟

وممكن اكون ماشيه والاقي ست فاضله كده وقفتى وشاورت على الشنطة مثلا منين دى وبكام
يا سلام كله الا صاحبتى اللي لما تتصل تسأل ابنى ها يا حبيبي كلت ولا تاعب مامى برضه يقولها كلت يا تانت برافو ياحبيبي قولى بقي كلتو ايه؟؟؟؟؟ ومين كان عندكم النهاردة وتيته جابت ايه من البلد وهى جايه.
وهاتك يا استدراج في الولد المسكين وهو عمال يحكى .
يمكن تكون الحاجات دى بالنسبة لبعض الناس عادية لكن بالنسبة لى انا قمة التعدى على الخصوصية
ياريت كل واحد يخليه في نفسه
وميسألش عن غيره
لان بجد كده عييييييييييييييييييييب
وميصحش
ياترى بتقابلو ناس زى دول ولا انا اللي مركزة اكتر من اللازم مع السلبيات
ولو قابلتوهم بتتصرفوا ازاى؟؟؟؟؟