°؛¤ّ,¸¸,ّ¤؛°`°؛¤ّ,¸ارتقِ على المنبر....فأنت الداعية°؛¤ّ,¸¸,ّ¤؛°`°؛¤ّ,¸

[مشتاقة لرضا الله]

السلام عليكم ورحمة الله وبركاته
بصراحه احنا فى وقت بيفرض الكلام اللى يتقال فيه
واكيد طبعا كله حاسس وشايف ومتالم من اللى احنا فيه
وبما ان الناس كلها دلوقتى عندها استعداد تضحى بنفسها من اجل تحسين الوضع المخجل اللى بقينا فيه فانا هقترح حاجات نحاول نعملها مع بعض
وليكن مبدانا المتفقين عليه هو ان الله لايغير مابقوم حتى يغيروا ما بانفسهم

انا هحاول اتكلم عن حاجات بسيطة لكن مؤثرة على النفس البشرية
يعنى مثلا موضوع بسيط كده
العلاقة بين الشباب والبنات فى المجتمع المصرى
هو موضوع كبير اوى وخطير جدا ويمكن اغلب الناس تشوفه ملوش علاقة باوضاع العالم الاسلامى المخجلة
لكن هنشوف من خلال الكلام اللى هقوله

احنا شايفين طبعا الشباب بقى كل اللى بيهمهم دلوقتى انهم يتعرفوا على وحدة او كتير ويتكلموا معاها ويروحوا وييجوا معاها وخلاص
وكلنا بنجيب العيب على الشاب ونقول انه مش متربى وماعندهوش اخلاق ولا دين
لكن لازم نبص كمان للبنت ونقول ان المسؤلية كلها واقعة على البنت
البنت اللى تسمح لنفسها انها تمشى مش محترمة وتسمح لنفسها انها تكلم شاب وتقول انه صديق وتقول مافيش بينا حاجة احنا زى الاخوات
بصراحة البنت هى اللى عيلها المسئولية كاملة
لانى كتير فكرت فى الموضوع ده ولقيت ان لو البنات تقدر تتحكم فى نفسها وتلبس لبس محترم وتحدد علاقتها بالشباب المحيطين بيها سواء زملاء دراسة او عمل
فالنتيجة هتكون دايما لصالحها وكمان لصلالح الشاب اللى هيلاقى كل البنات حواليه محترمات ومش هيبقى عنده فرصة انه يمشى وراء شهواته وغرائزة الحيوانية
يعنى من الاخر اول ماعلاقة البنت والولد تتحدد فى المجتمع المصرى اكيد كل شئ كويس هيبان
لان الشهوة والميل ناحية الجنس الاخر هما اخطر شهوة على الانسان ودى اللى بتحدد شكل ومسار حياته
يعنى لو بصينا مثلا على شهوة الاكل عمرها ماهتكون مؤثرة زى شهوة الجنس
ولا شهوة الزينة ولا المال ولا اى شهوة اخرى
وبصراحة دى اكتر حاجة واهم حاجة واخطر حاجة ممكن تدمر شعب بحاله
لما نلاقى البنات والولاد مش عارفين مثلا ان الخلوة حرام
ولا يكونوا مش عارفين ان لما واحدة تطلق على واحد كلمة صديق دى مش حرام
ده ربنا قال ولا متخذات اخدان وخدن يعنى صديق او صاحب يعنى
وده كتير جدا بيحصل وللاسف ناس محترمين بيقعوا فى الحكاية دى
وبيتكلموا مع بعض من غير تكلف ويهزروا وممكن يختلوا ببعض فى اوقات كتير وبتكون نيتهم سليمة وكل حاجة لكن الشيطن مش بيفارقهم لحظة واحدة

يمكن اكون كده قولت كل اللى عندى بس فاضل حاجة واحدة نفسى اقولها لكل البنات لانى عارفة اذا اتصلح حال البنات فالشباب اكيد هيتغيروا
عايزة اقول لكل بنت بتلبس الملابس الحرام وبتخرج مع الشباب وهى فاكره انها كده بتعيش سنها وبعدين ربنا هيسامحها لما تكبر وتتجوز وتبقى تتوب
عايزة اقولها افتكرى كويس السيدة مريم العذراء اللى فضلت طول فترة شبابها محافظة على عفتها وطهارتها واحصنت فرجها
وهى كانت بنت عادية يعنى بتفكر زى كل البنات لكن قدرت تسيطر على الشهوة دى جواها عشان ترضى ربنا

انا كده خلصت وهسيب كل واحدة وكل واحد يفكر فى كلامى كويس ويحاسب نفسه كويس قبل ماربنا يحاسبه

علاقة الموضوع ده بموضوع غزة بقى
ان لما يبقى فى بنات تستحق تكون ام صلاح الدين او ام عمرو بن عبد العزيز ساعتها بس نقدر نفكر ان فى رجالة ممكن تحرر فلسطين
انما صدقونى طول مابنشوف البنات اللى ماشين بهدوم الواحدة المحترمة تتكسف تقعد بيها فى البيت عمر مافى حاجة تتصلح ولا المظاهرات هتنفع ولا حتى لو الحكومة كلها مشيت وجت حكومة غيرها الحال هيتعدل
لانه ببساطة اللى ماشيين كده الرسول قال عليهم الكاسيات العاريات
وعمر ما صلاح الدين ولا خالد بن الوليد ولا اى راجل مسلم هيحرر الاقصى هتكون امه بالشكل ده
وماما دايما بتقولى اتعاملى فى حياتك على انك تبقى انتى ام صلاح الدين او حتى جدته

ياريت يكون اللى انا اقصده وصل للجميع
واتمنى من رنا انه يهدى فتيات المسلمين وشباب المسلمين
وكمان ياجماعة عايزكوا تدعولى ان ربنا يقبل توبتى لانى كنت على وشك اوقع نفسى فى مشكلة بسبب الصداقة والكلام ده
وده والله اللى خلانى اعيد حساباتى كلها ونفسى ربنا يغفرلى ويسامحنى