تعالوا احكلكوا الى حصل

[Sharp Nails]

ازيكن ياجماعة عاملين ايش؟؟

امبارح الى هو يوم الاتنين الى هو 2007-11-17
كان يوم مشمس وجميل وضلة وبرد و ظريف
كان يوم تاريخى بصراحة

اية رأيكوا فاليوم دة
يلا كفاية كدة حكتلكوا كتير

هحكى اهوه يامها انتى ونهال عارفة انهم هيضربونى

اخش فالجد بقى بجد ركزوا معايا

صحيت الصبح عشان اروح الكوليدج
بس قبل ما انزل قولت اعدى عالميل كدة اشوف مين الى فاتح
لقيت مها ((اسيل رزق)) قولتلها خدى يابت انتى اما ارغى شوية معاكى
وواحنا بنرغى كدة قولتلها اسكتتتتتتتتتتتتتتتى
مش انا هقابل النهاردة ((بصوا المفاجأة بقى))

نهال:lady el net
وهدير: diro

راحت مها عملتلى بالو
وقعدت تقولى عاوزة اجى معاكوا مليش دعوة وتعيييييييييط
قولتلها خلاص ياضنايا الكلية كليتك هاتى بعضك وتعالى
قامت بقى هى لبست وانا نزلت عشان اروح الكوليدج
وانا فالطريق لقيت موبيلى بيرن ببص كدة
خير الله ما اجعله خير
لقتها د.مجدولين
ولقتها بتقولى انتى فاضية اجيلك؟؟
قولت يامحاسن الصدف
قولتلها تعالى يابنتى دة كلنا جاين وبتاع بقى ومش عارفة اية وكدة

المهم روحت الكلية اداب عند مها
وقابلت مها طبعا انا عرفاها قبلتها دشليون مرة قبل كدة
ولقتها ياعينى لسة مطعمة
قعدت تقولى تعالى اطعمى بس انا خوفت بصراحة

المهم قعدنا انا ومها نلك شوية
وبعدين د.مجدولين اتصلت بيا تانى وقاتلى اجى اخدها من السن
مع انى قوللها تعالى اداب بس هى مش بتسمع الكلام
ممشورانا عالفاضى
المهم روحت انا ومها نجيب د.مجدولين
وتقولى انا شايلة بالطو ابيض اصلها بعيد عن المشاهدين فى طب
وانا عينى طلعت انى الاقى واحدة شايلة بالطو ابيض
مش لاقياها اتصلت بيها
انتى فين ياحجة
تقولى واقفة قصاد الكلية وشايلة بالطوا ابيض

المهم لقتها واقفة جنبى والبالطوا الابيض دة
مكوراه فى ايديها مش باين اصلا

بس خدناها وروحنا اداب تانى
واحنا فالسكة لقيت هدير الى هى ديرو
بتتصل ((ايوة يابنتى انتى فين ؟؟))
قالتلى انها فى اداب ولابسة يابانى او اورجوانى
قعدنا نبحث عن حد يابانى برضه مش لقيناها
بس انا الى لقتها فالاخر
اخدنا بعضينا وروحنا ندنجل فالكلية
وقعدنا فى حتة كدة
وقعدنا نرغى ونضحك زى المجانين بالظبط

وانا قعدت اكلمهم بالعبرى شوية
اصلى بعرف اتكلم عبرى((جملة واحدة بس ))

وبعدين شوية والست نهال اتصلت بيا
وقالت انها فالمترو وقال اية كانت عاوزة حد يجى يخدها مالمترو
طبعا انا مكنتش هتبرع واروح اجيبها ندالة بقى
بس قعدت اقولها امشى كدة وكدة
والحمد لله جات
بعد مشقة كبييييرة
وبعد طبعا ما رصيدى خالص
اتلممينا كلنا بقى وقعدنا نرغى وجبنا سيرتكوا على فكرة
كلكواااااااااااااااااااااااااااا اى حد يقرا الموضوع
يتوقع اننا جبنا سيرته
اقولكوا الى كان بيكح يوم الاثنين

وبعدين قامت د.مجدولين وهدير مشيوا
كان عندهم محاضرات
وبعدين مها قالتنلنا اننا نروح لهبة الى هى حابى
فروحنلها كليتها سلمت علينا وجريت راحت محاضرتها

وبعدين كانت الساعة 3
جية دورى انا بقى
كان عندى محاضرة ايطالى
قولتلهم الوداع ياعيال بقى اخلع انا
ومها قعدت تعيط عشان انا همشى
ونهال تسسسسسسسسسح

مكنوش عاوزين يسبونى
مش كدة ياعيال

بس سبتهم انا بقى
وهما الاتنين كملوا مع بعض
حد فيهم بقى يكمل الى حصل بعد كدة

اه صحيح نسيت اقولكوا على حاجة
تخيلوا اننا كلنا طلعنا لابسين روز
اما كانت حتة صدفة

بس بجد كان يوم لذيذ عالاخر
اكتر يوم ضحكت فيه
بجد اتبسطت كتير معاهم
وعاوزة اقابل بقيت الاندال عشان اشوفهم

طبعا الهدف مالموضوع دة اننا نغظكوا

اتغاظوا يلا

لا بجد اى حد قابل حد يحكى هنا اية الى حصل فاليوم دة

يلا سلاموز اي سلام بالقشطة والموز