الى الاستاذ اشرف والادارة وجميع الاعضاء..وبعدين؟

[dr.saeed]

السلام عليكم ورحمة الله وبركاته
دلوقتى يا جماعة كلنا قرينا موضوع اسلام المرشد بتاع القلة المندسة
وانا دلوقتى عامل موضوع عنه ومش بؤيده ولا بعارضه
لا
انا عاوز اتناقش معاكم باسلوب علمى عن الكلام او المقترحات الى اتقالت
لانى لاحظت ان الردود ف الموضوع اصبحت عن الجماعة وليس عن المقترحات نفسها
اولا احب اوضح انى عضو فيها عادى
زى امانا عضو فى المنتدى كدة
محايد
اذكر ما لى وما على
واعلم جيدا ان كل يؤخذ منه ويرد الا صاحب هذا القبر
صلى الله عليه وسلم
نشوف لو سمحتم المقترحات مع بعض وفى الاخر تكون رسالة كدة للادارة
بسم الله والصلاة والسلام على رسول الله

1-) ترك الاعضاء للمنتدى

وده بيكون أما

(للفت الانتباه - الشعور بالاحباط - الانشغال)
والحل محاولة أقناع الأعضاء بالبقاء فى المنتدى ويكون هناك وعود جادة بالتصحيح والتغيير
أما بالنسبة لمن يحاول لفت الانتباه من خلال انا راحل وبدون أبداء أى أسباب فده يفضل تجاهله
لأنه فى المقام الأول بيحاول يلفت الانتباه ليه ليس أكثر ولا اقل

بالمثال يتضح البيان
عندنا مثلا اخر الموضوعات موضوع اية من الله
بس اية سايبه المنتدى لانها شايفه انه بيضيع وقت منها
يبقى اذن المطلوب مننا اننا مثلا نطلب منها انها تدخل كل فترة ولو بسيطة لاننا بنعتبرها زى اختنا
الموضوع الى قبله بتاع الدكتور اكرم
ولما بردة عمله كان عامله زى حاجة اخوية لان ظروفه مش هاتسمحله كتير انه يبقى هنا
والى قبليه موضوعى انا
لانى زى ما اسلام قال بعض الاعضاء بتبص للمنتدى بمنظار اسود وزهقت فعلا
ولما المجاهد واسلام اقنعونى انى اقعد وافضل جيت
وانى مفروض اصلح مش اهرب
وانا معاهم فى الكلام دة
ووعد مش عامل اى موضوع زى دة تانى
كله هايقولى امال قاصدكم على ايه؟
اقولكم مثلا نلاقى مرة واحدة موضوع انا ماشى وكفاية الى حصلى منكم؟
او انا ماشى وشكرا على الى حسستونى بيه؟
والمشكلى انكتسال ايه المشكلة يرفض يتكلم نهائيا
وساعتها الواحد يسال نفسه هو عاوز ايه من الموضوع دة؟
عاوزنا نقوله سلام ولا نساله ايه الى ضايقك ولا ايه بالبظبط
وبكدة فعلا يبقى لفت للانتباه
لان غالبا الى بعمل كدة عضو مشاركاته لا تتعدى ال300
يعنى تقريبا ما شاركشى بشكل كبير
والى عنده اعتراض على اول نقطة فليتفضل

2- التجاهل من بعض المشرفين وعدم ردهم على بعض تساؤلات الاعضاء

الحل

يكون فيه التزام من المشرفين بالرد على استفسارات الأعضاء وعدم تجاهل شكواهم حتى ولو كانت بسيطة فى حالة تجاهل شكوى اى عضو من قبل المشرف على العضو الشاكي الذهاب الى الإدارة مباشرة لا استفسار عن طلبه وأعلام الإدارة بتجاهل المشرف الفلاني له

انا شايف ان دى حاجة مهمة جدا
وانا فى الفترة البسيطة الى كنت مشرف فيها شوفت الكلام دة
بس الى يخلى الموضوع يبقى يعدى من الاول
ان خانة (السبب) مش تبقى فاضية
حتى على الاقل لما المشرف التانى يدخل يشوف ان فيه موضوع محذوف ادامه
يبقى يعرف ايه وجهة نظر المشرف التانى
وكذلك العضو
بس فيه مشكلة كبيرة هنا
دلوقتى فيه سبب اساسى للحذف اسمه (الموضوع مكرر)
ماشى مع المشرفين فيه بس ملحوظة
دلوقتى مثلا شوفت انا موضوع قديم ونشطته للاستاذ زيزو
وهو مش بيدخل
فلما انا نشطته
ماحدش كمل ردود
ودة لان الى داخل يناقش لازم يلاقى صاحب الموضوع او على الاقل اول اعضاء ردت يكملوا معاه نقاش
فلما يدخل ويلاقى مثلا اول خمس اعضاء اخر تواجد ليهم من ستة شهور
هايدخل يناقش هو مين؟
او على الاقل الموضوع اتناقش قبل كدة
ايه المشكلة لما العضو يناقش مع الاعضاء المتواجدين حاليا نفس المشكلة لان اكيد وجهات النظر هاتكون مختلفة عن الاولى
وبعد كدة يتم دمج الموضوعين
والى عنده اعتراض فليتفضل وانا معاه

3- قلة دخول بعض المشرفين ( قد تصل الى الانعدام)

يقوم السيد مدير المنتدى او يكلف احد الإداريين بعمل فحص كل أسبوع على جميع المشرفين ومشاهدة أخر تواجد لهم وكذلك مشاهدة تاريخ أخر مشاركة لهم

دى واضحة وضوح الشمس
الى اذا نبه المشرف بأن مثلا فيه ظروف معينة وهايتيغيب لمدة معينة يتم تحديدها مع الادارة والوقت الى يرجع فيه يكون ملتزم بيه
والى عنده اعتراض على النقطة دة يتفضل

4- نقل الموضوعات دون سبب مقنع ( الى اقسام غير مناسبة له )

عدم اتفاق المشرفين على قرارات موحدة واعتقد ونحن نلتمس العذر للسادة المشرفين

حيث هناك وفرة فى المواضيع وزخم غير عادى فى المواضيع ومع ذلك نرجوا منهم قراءة المواضيع جيدا قبل نقلها للقسم الصحيح كما

اهم حاجة
ان المشرف مش ينقل الموضوع من العنوان
وان على الاقل المشرف يشوف لايه وصل نقاش الاعضاء
لانى قبل كدة شوفت موضوع اتناقشنا فيه كتير وبعد كدة راح لجرس الفسحة
والى عنده اعتراض على النقطة دى يتفضل

5- البعض يرى ان المنتدى ممل ولا جديد به

الحل :

ممكن نبطل موضوع النقل ده من المنتديات التانيه وفى حالة نقل اى موضوع غير هادف يحذف تلقائيا من قبل المشرف

يفترض اننا مش ننقل الموضوعات غير الهادفة جدا او المميزة او الى هاتؤدى لافادة عامة

مثل مثلا موضوعات الصوتيات والمرئيات الاسلامية
وطبعا لازم لكل عضو بصمة فى المنتدى
ومش تبقى من غيره
لازم يحاول يبقى دايما للافضل
مش يعتمد على نقل الموضوعات المثبتة من المنتديات الاخرى وخلاص
والى عنده اعتراض يتفضل

6

- كثرة المشاكل (و الحكايه دى طبعا من ان المشرفين مش مصحصحين – أعضاء بتكبر المواضيع وتحاول تثير مشاكل داخل المواضيع )

الحل :

يتم احتواء المشكلة بسرعة من جانب المشرف المتواجد

أى عضو يكون ليه مشكلة واى عضو أخر يتدخل ويحاول انه يكبر الموضوع أو يتدخل فيما لا يعنيه

يتم إيقافه 3 أيام

طبعا دى بنشوفها كتير اوى فى قسم اقترحات بالذات
عضو مالوش علاقة بالعملة يقوم داخل وهو مش عارف الموضوع عن ايه يقوم قايل مانتوا هاتفضلوا طول عمركم كدة
اة صح صح هو انا اول مرة اشوف الكلام دة
متهيئلة اول حاجة يتحذف الرد دة وكأنه لم يكن
وبعد كدة نعمل زى ما اسلام بيقول
والى عنده اعتراض يتفضل
7

- عدم الاخذ برأى الاعضاء قبل تولى المشرفين مسئولية الاشراف وعدم تنبيههم لوجود اى تغييرات فى الاشراف

الحل :

يتم إعلام الأعضاء بوجود اى مشرف جديد قبل تعيينه كما حدث فى السابق مع المشرف كركركوكو حيث لم يعترض عليه احد لانه كان فى ذلك الوقت متميز فى القسم المرشح إليه
اختيار الادارى يكون ع الاقدميه اولا وكميه ردوده.....تواجده فى المنتدى مشاركاته وحب الناس ليه

زيادة عدد الادرايين حيث ان المنتدى اصبح اليوم فى اوج نشاطه وحيث ان الأقسام قد اتسعت وزادت وزاد معاها عدد الأعضاء لذلك نقترح أن يكون عدد الإداريين 7 او 8 على الأكثر

تقسيم العمل بين الإداريين بحيث يتولى كل مشرف ادارى عدد معين من الأقسام يكون المشرفين عليها مسئولين من الادارى مسئولية كاملة
عمل اجتماعات دورية بين المشرفين وبعضهم حتى نشعر بأن هناك تنسيق وإدارة
يقوم السيد مدير المنتدى بعمل موضوع يتم من خلاله مناقشة الأعضاء فى مشكلتهم فى المنتدى وعرض اى شكوى مع حل الشكوى المطروحة فى اقرب وقت
يطبق مبدأ العدل بين الجميع إداريين ومشرفين فى حالة تغيب اى مشرف او إدارى بدون عذر يتم رفع الإشراف عنه وترشيح أخر يوافق عليه أغلب الأعضاء

الكلام دة اعتقد انه كويس جدا
بس عندى اقتراح عليه كدة بسيط او هو اصلا منه
نخلى مثلا مشرف عام على الاقسام الدينية
ويعد كدة 2 مشرفين على كل قسم
والمشرفين يبقى مسئولين امام المشرف العام للاقسام
والمشرف العام يبق مسئول امام الادارى
وهكذا
زى ما اقترح قبل كدة المجاهد فى سبيل الله
والى عنده اعتراض فليتفضل
8

-الركن العام مشكلة المشاكل والصداع المزمن فى رأس المنتدى

بعد ما أنصلح حال الركن العام لفترة وعادت لمواضيعه قيمتها عادة مرة أخرى الى المواضيع التافهة

وخاصة مواضيع (الحب) موجود على القسم العام ثلاثة مشرفين مهو المطلوب اكثر تعيين مشرف رابع وخامس وسادس وعاشر حتى نصلح حال القسم المطلوب تواجد المشرفين على القسم بصفة دورية ومستمرة وتحذير شديد اللهجة من الإدارة لهم بتنظيف القسم من تلك المواضيع كمان أننا نرجوا منهم حذف الموضايع الخاصة بالحب والألعاب والاختبارات وغيرها من المواضيع التى لاتسمن ولا تغنى من جوع من ذلك القسم والذي هو بمثابة واجهة للمنتدى

انا فى رأيى مش موضوع كام مشرف
المهم يبقى فيه قوانين يلتزم بيها
وزى ما قولنا فوق طول ما فيه اجتماعات دورية
يبقى كل واحد يعرف غلط فى ايه ويصلحه
وعمل ايه كويس ويكمله
ودة مبدأ الشورى فى اسلام
(ومع ان النبى صلى الله عليه وسلم اكمل الناس عقلا الا ان مصالح النا لا متناهية فلا يبعد ان يخطر ببال بشر مالا يخطر بباله صلى الله عليه وسلم لذلك امر بالشورى)
9

-جرس الفسحة

أصبح قسم ..(غير محترم) و اللى بيحصل فيه(قلة ادب) يعنى ممكن ناس بيلعبو عادى وواحدة تيجى تلاقى اللى فرحان بنفسه و جاى يقولها اى كلمة جات على مزاجه..انا مقتنع ان القسم دا اساسى لا يخلو منه اى منتدى..بس عايزينه يبأى قسم راقى..يعنى قوانين جديدة تنزله..مثلا ممنوع كلمات معينة زى (سكر) و (عسل) و (جميل) و الحاجات دى لان فى بنات بتدايق منها و ممنوع الهزار الجامد اوى..الاقتراح: ا للموضوع دا هو منع اى حد اقل من 500 مشاركة من دخول القسم دا ..و الباقى اكيد هيبقو عرفوا قوانيننا كويس..غيرى بأى اقترح ان القسم دا يتشال خالص و انا شايفة انه لو حاله مش اتصلح يبأى احسن اننا نلغيه خالص

المفروض الى بشوفه فى اى منتدى
قسم اسمه مسابقات والالعاب والالغاز
يعنى بيكون فيها حاجات لمستويات الذكاء وكدة
وبعد كدة شوية حاجات زى الى بيقولوا عليها فوازير
وبعد كدة مثلا تبقى شوية العاب بس طبعا مش زى هنا
يعنى م ايه رايك فى الى قبلك
ايه رايك فى صورة الى قبلك
ايه رايك فى توقيع الى قبلك
ايه الى عاجبك فى الى قبلك
وواحد كدة محترم يقول دى بنت عسولة وقمر
وكلام عجيب
طبعا فيه هنا قسم للالغاز
بس مع نفسه خالص
والى عنده اعتراض فليتفضل

10-

مواضيع الحب أنتشرة اوى فى المنتدى

خاصة فى قسم الركن العام

المشرف يشوف
لو الموضوع مش كويس ومش مفيد
يشيله
لو شبه الى قبلي يشيله
اصل معظم الى هنا داخلين على جامعة
فبيستعدوا شوية
رسالة الا الاستاذ اشرف
حضرتك دلوقتى شايف الاعضاء بتفكر ازاى
وعاوز تصلح المنتدى ازاى
ونفسهم المنتدى دة يرجع كدة زى ما كنا بنسع عنه
يبقى ايه الى مطلوب من حضرتك؟
المطلوب ان حضرتك تدخل وتقول ايه رأيك
الى مش عاجب حضرتك نناقشك فيه
والى حضرتك شايف انه مناسب ننفذه
انما مبدأ التجاهل لا يغنى ولا يسمن ولا يغنى من جوع
وبيجى بأثر عكسى على الاعضاء
دلوقتى الكل مستنى الاستاذ اشرف يرد
طبعا قبل كدة المدير قالى الصلاحيات الى فى ايدى مش كافية لكل الى عاوز اعمله
يبقى حضرتك مفروض تقولنا ايه الى حضرتك هاتعمله
وهل حضرتك بأذن الله معانا فى تطوير المنتدى
ولا نخلى كل الكلام حبر على ورق
وبعد دة نلاقى الاعضاء زهقت وسابت المنتدى
الى يعمل موضوع وداع زيى كدة
والى يغير توقيعه انه راحل
والى اصلا على اخره فقال كفاية حرقة اعصاب
ان شاء الله فيه رسالة خاصة مفروض انها توصل حضرتك بلينكة الموضوع
يبقى اذن الجميع مستنى رد حضرتك
رسالتى الى الاعضاء
قلة مندسة جماعة عادية
زيها زى المنتدى
فيها اعضاء
ومشرفين
واداريين
مش بنعمل حاجة للسمعة او الشهرة
الى عاوز يناقشنا فى مقترحاتنا اهلا وسهلا بيه
الى معترض على اى حاجة ولا كلمة يتفضل ياخدها اقتباس ويقولنا ايه المطلوب واحنا كلنا سامعينه
بس مش يحصل زى الموضوع الى فات
اعضاء ما ردتشى على اى مقترح
وقالت
(المنتدى مش قاصر على تلاتين عشان يحددوا امرنا)
انا بقى مش هاقول كدة
هاقول دى اقترحات حوالى 44 عضو بناقشها مع بعض للتطوير
والى فيه الخير يقدمه ربنا
فى امان الله