اغرب من الخيال//اتفرج يا سلام

[عاطف خليفة]

بسم الله الرحمن الرحيم

السلام عليكم

1 - المدرسين عندنا في الابتدائي لما بيعدوا التلامذه بيعدوا ازاي بالراس راس 1 راس 2 وهكذا كان الاولاد خرفان

طبعا عشان الدروس والطفل ال مش بياخد درس عند مدرس الفصل كل يوم ياخد علقه موت

انا ليا اخ اكل ضرب لما هرب من المدرسه واتعلم الكدب والغريب جدا ان المدرسين دول كانوا تلامذتي وهكذا يرد الجميل

2 - مدرسين الاعدادي بقي دول مصيبه والله

اذا الطالب مش عنده في الدرس يهمشه خالص ولا يعبره في ----- بلاش اقول

ولو الطالب عنده سؤال بيساله له يقول له روح خلي ال بيديك درس يجاوبلك

والولاد ال عنده في الدرس هما ال يتسالوا في الفصل وهما ال ياخدوا اعلي درجات وهما ال ياخدوا الامتحانات

واحد منهم كان مدرس علوم ولاد اختي في الفصل عنده عايزهم ياخدوا درس عنده وخالهم مدرس كيمياء واستاذه الذي رباه والله وعقد العيال

واحد فيهم مدرس عربي كان تلميذي وكان مريض والله كنت بشيله واعطف عليه وهو طالب عندي ربنا شفاه والحمد لله عمل فرعون واول ما شتم شتم ولاد اختي عشان الدروس

وغيره كتير

مدير المدرسه كان ولاده في الثانويه عملنا معاهم الواجب بصفه الزماله والان يحارب بكل قوة والله لا ادري لماذا يمكن عشان طلبني اروح لولاده البيت وانا ارفض موضوع الدروس في البيوت نهائيا لانه مهانه

3 - في الثانويه المدرس يدخل يقول

طبعا انتوا واخدين دروس مش مهم الشرح بقي

ويتسلي علي الطلبه

دا اقل حاجه بيعملوها وما خفي كان اعظم

-----------------
لكن هناك شرفاء اكيد

لكن الاغلبيه غير شرفاء

---------------

اما الادارات ناهيك وحدث ولا حرج

--------------

الحل
1- ليس في المناهج كما ندعي فالمناهج ممتازه

2 - الحل في المدرس ان يراعي الله ويحلل الفلوس الذي ياخذها ويوكل اولاده منها

3 - ان يطور نفسه ويقرا باستمرار ويبدع

4 - ان نتخلي عن الروتين المميت من الادارات العفنه ويصبح كل همنا هو الطالب ونختار المدرس الصح في مكانه

5 - الموجه يدخل الفصل ان دخل كل همه كشكول التحضير وليس الماده العلميه ولا الطالب

غير زمان المفتش زمان كان يدخل يعصر الطلبه في الاسئله ويعلم المدرس خبرته

6 - يا مسئولين اعيدوا التعليم زي زمان لكي ينصلح الحال


د//عاطف خليفة