#1
|
|||
|
|||
![]() #الفيزياء_الحيوية Biophysics
(( المادة دى مادة مكملة فى الترمين عليها فى كل ترم 100 درجة يعنى فى الترمين عليها 200 درجة )) ايه هو علم الفيزياء الحيوية ؟! ايه الحاجات الى علينا فيه ؟! اهميته فى مجالنا ؟! #الفيزياء_الحيوية : هو العلم الى بيحاول يطبق نظريات وقوانين علم الفيزياء على الكائنات الحية بس هنقول على الانسان .. بيحاول يحلل الظواهر الفيزيائية او الظواهر الطبيعية ما الفيزياء هى علم الطبيعة والعلاج الطبيعى يعنى العلاج الفيزيائى .. بيحاول العلم يحلل الظاهر الطبيعية زى الصوت والضوء والحرارة والبرودة والكهرباء وغيرها وازاى احنا بنستعمل دا مع الكائنات الحية .. فايدة المادة دى الاساسية اننا نفهم اكتر عن الظواهر الطبيعية الى بنستعملها فى العلاج .. يعنى دى نعتبرها مكملة لمواد العلاج الكهربى والمائى .. - المادة دى بيدرسوها دكاترة من علوم انا اتمنى ان دكاترتنا يتعمقوا فيها اكتر وهما الى يدرسوها لان العلم دا محتاجينه جدااااااا ومهم لفهم وسائل العلاج الطبيعى الى بنستعملها فى العلاج الطبيعى .. - هكلمكم عن الشباتر الى المفروض بندرسها فى العلاج الطبيعى من المادة دى :- 1- الطاقة والشغل و القوة فى الجسم Energy - Work - Power.. دا بيتكلم عن زاى لما باكل اكل معين بينتج طاقة ومعادلات احتراق ( كيمياء ومعادلات ) وازاى احسب الطاقة الناتجة وكدا وبيتكلم عن الطاقة فى جسم الانسان ودا مهم عشان اعرف السعرات الحرارية وكدا .. 2- الصوت فى الطب Sound In Medicin .. دا بيتكلم عن الصوت واستعماله فى مجالات الطب سواء التشخيص .. او سواء العلاج زى الموجات فوق الصوتية Ultrasound او الموجات التصادمية Shock Waves 3- الكهرباء فى الجسم Electricity Within the Body .. هيتكلم اكتر عن الكهرباء فى الجهاز العصبى وبرده هيطبق قوانين الفيزياء على الكهرباء فى الجسم .. وازاى اننا بنقدر من خلال دا نشخص زى اجهزة رسم المخ والعضلات والاعصاب وغيرها .. او فى العلاج الى هو العلاج بالتيارات الكهربية Electrical Stimulating Currents .. 4- القوى Forces .. المحيطة بيك ودا بنتكلم عنه تانى اكتر فى علم الميكانيكا الحيوية ودا مهم اننا نعرف تاثير القوى المحيطة بينا دا جزء لا يتجزأ من مجالنا اصلا سواء اوضاع صحيحة او خاطئة سواء فى تطبيق التمارين العلاجية او العلاج اليدوى او غيرها .. بس دا تفصيلا شوية فى علم الميكانيكا الحيوية وهى الميكانيكا جزء من الفيزياء اساسا .. ومن اهم القوى هى الجاذبية خاصة .. حكايتها حكاية معانا فى الميكانيكا الجاذبية دى قصة .. 5-الحرارة والبرودة Heat And Cold in Medicine .. وازاى انى بستفيد منهم فى العلاج او فى الطب يعنى بوجه عام .. سواء برده اجهزة تشخيص او اجهزة علاج .. 6- الضوء فى الطب Light In Medicine .. وازاى برده بنستعمله فى التشخيص او العلاج عندنا مثلا بنستعمل الليزر والموجات فوق البنفسجية Ultraviolet او غيره فى العلاج .. 7- اشعة اكس او الاشعة السينية X Rays .. فى العلاج سواء فى التشخيص زى صور الاشعة الى بنشوفها او فى العلاج فيما يسمى ب Deep x Ray therapy .. 8- ميكانيكا الموائع او فيزياء الموائع Fluid Mechanics .. ودا نستفيد منه فى العلاج المائى Hydrotherapy .. يبقى بدأنا نفهم احنا ليه مجالنا اصلا اسمه العلاج الفيزيائى لان كل وسائل علاجنا معتمدة على الفيزياء او الميكانيكا .. والميكانيكا هى العلم الى بيدرس الحركة فيما يسمى بالديناميكا او السكون الاستاتيكا وتاثبر القوى المحيطة وجزء من الفيزياء .. وبنطبق دا بقى فى علوم العلاج الكهربى والمائى والتمارين والعلاج اليدوى هو دا مجالنا استعمال الطبيعية وقوانين الطبيعة فى العلاج او حتى التشخيص .. #ازاى_تتذاكر ؟! المادة دى بتتفهم كلها فهم واقرأ الى فى الكتاب لانها مادة بتيجى كلها اختيارى ممكن صح وغلط او اكمل لو كليات تانية الله اعلم بس على العموم مش بييجى فيها كتابة فهى فيزياء بتعتمد اعتماد كلى على الفهم وانك تقرأ الى فى الكتاب ومادة خفيفة وجميلة جدااااااا ومش زى فيزياء الثانوى خالص بالعكس الفيزياء دى تطبيق .. مش كلها مسائل وكلام من دا خاااااالص .. ....................... فى مواد تانية ممكن كليات تدرسها فى اولى زى .. 1- علم الحركة Kinesiology .. العلم الى بيدرس حركة الجسم تفصيلااااااااااا سواء الحركة الطبيعية او الغير طبيعية والحركة الغير طبيعية دى تقدر تستنتج منها حاجات كتير بمجرد النظر تقدر تحط احتمالات كدا ان الشخص دا ممكن يكون عنه مرض معين او مشكلة معينة .. 2- علم الميكانيكا الحيوية Biomechanics.. علم الميكانيكا الحيوية هو علم تطبيق على التشريح وعلم الحركة والفسيولوجى فى بعض الحاجات .. هو العلم الى بيدرس الحركة الى بتتم بس من وجهة نظر ميكانيكية بقى ذراع قوة ومقاومة والجاذبية وتاثيرها وتاثير القوة المحيطة ازاى عملية المشى بتم وايه دور الجاذبية وقوة رد الفعل من الارض وتاثير الضغط والحاجات دى كلها يبقى هى زى تطبيق على علم الحركة .. 3- علم الأدوية Pharmacology .. ودا العلم الى بيهتم بدراسة المواد الفعالة فى الادوية والعقاقير وتاثيرها وكدا .. ودا احنا محتاجينه لاننا بنستعمل بعض الادوية فى مجالنا عن طريق ادخال الادوية دى عن طريق الجلد اما بالتيارات الكهربية Iontophorosis او بالموجات فوق الصوتية Phonophorosis .. وكمان لازم اكون عارف تاثير الدواء دا على المريض قبل الجلسة لو واخد دواء بياثر على الاحساس مثلا وجاى ياخد جلسة حرارة ممكن ميحسش بشكل كويس وانا ازود الحرارة تعمله حرق صح ؟! 4- علم الأمراض Pathology : ودا العلم طبعا الى بيهتم بدراسة الامراض بوجه عام ........... 5- فى مواد تانية بتكون على حسب متطلبات كل كلية ودا فى الكليات الخاصة يعنى فى كليات تطلب منك لغة فرنسية او غيرها .. .............................. #مثال : عشان نفهم المواد اكتر .. عندى عضلة معينة مين الى يدرسها علم #التشريح .. طيب ازاى العضلة دى بيتنقلها الاشارات من الاعصاب وتنقبض #الفسيولوجى ازاى لما العضلة تنقبض تعمل حركة علم #الحركة ايه تاثير القوى المحيطة على الحركة علم #الميكانيكا_الحيوية ازاى العضلة دى بيحصل فيها شد ايه الشد دا علم #الامراض تاثير الادوية على الحالة علم #الادوية وسائل العلاج الطبيعى الى بستعملها #العلاج_الكهربى_أو_وسائل_العلاج العلاج الى بستعمله بايدى #التمارين_العلاجية_والعلاج_اليدوى العلم الى يدرس الانسجة العضلية #الهستولوجى العلم الى يدرس ازاى التفاعلات بتتم داخل العضلة والتركيب الجزيئى #الكيمياء_الحيوية العلم الى يدرس قوانين الفيزياء وتطبيقها على العضلة #الفيزياء_الحيوية الحالة النفسية للمريض علم #النفس العلم الى يختبر العضلة ويعرف حالتها #الاختبارات_و_المقاييس_او_الايفال Tests And Measurements العلم الى يدرس تاثير المجهود على العضلة #فسيولوجى_التمارين ... اظن كدا وضحت المواد الى حد ما .. هنا رابط باقى المواد على المنتدى http://www.thanwya.com/vb/showthread.php?t=660671 ودا كان اخر موضوع معانا عن المواد .. والسلام عليكم ورحمة الله وبركاته ..
__________________
|
العلامات المرجعية |
أدوات الموضوع | |
انواع عرض الموضوع | |
|
|