#1
|
|||
|
|||
![]() الكلام دا قبل تطبيق شهادة الدى بى تى لسه فى نص قانون معين لازم يتعدل لكن بعد الدى بى تى اختلف الوضع سنة لكن دى معلومات لمعظم الاسالة الى بتتسال
اتحاد الطلاب كان كتب الموضوع دا مهم الموضوع دا هيكون تقريبا عن أهم موضوع ممكن نحتاج نعرفه الفترة دى وهو ايه هو العلاج الطبيعى من ناحية المجتمع والمنظومة الطبية ودورى بيكون ايه وفرصة العمل فيه ونظام الحياة بعد التخرج..... الاول بالنسبة لطبيعة عملك فدا حاجتين : اما عمل حكومى ودا داخل اقسام العلاج الطبيعى بالمستشفيات ودا زى اى شغل حكومى أو الشغل الخاص فى عيادات ومراكز العلاج الطبيعى اللى بيديرها دكتور علاج طبيعى وانت معاه لحد ما تقدر تقتح عيادة باسمك بعد التخرج ب 5 سنين. وطيب ويمن هم المرضى اللى بتعامل معاهم؟؟؟ لو هنتكلم عن الحال فى مصر هنا " ودا لأن الدور متأخر شويه" فأشهر الحالات بتكون اصابات العمود الفقرى والركبة واصابات العظام عامة زى الكسور وحالات ضعف العضلات والحالات العصبية زى الشلل بكل انواعه .. انك تعملهم اعادة تأهيل بحيث يستعيدو الوظيفة اللى فقدوها او انهم يتأهلو للحالة الجديدة اللى هم عليها لو كانو وصلو لدرجة الاعاقة دا غير حالات الاطفال زى الشلل الدماغى وملخ الولاد والداون وحالات تأخر النمو بأسبابها المختلفة .. وهنا دورك تساعدهم يكتسبو الوظايف اللى مش موجوده عندهم سواء كان الطفل مبيقدرش يمشى مثلا او اى حاجة تانية وطبعا دا بيتم بوسائل مختلفة سواء تمرينات علاجية او اجهزة كهربية او اى وسائل تانية بتكتسبها انت من الكلية والخبرة بعد كدا. طيب وايه وضعك داخل المنظومة الطبية بقى ؟؟ تنظيم عملك معاهم بيتم ضمن قوانين ثابته وضمونها ان الحالة اللى بيتعملها تحويل للعلاج الطبيعى بعد تشخيصها من الطبيب المعالج بتتعرض عليك تشوف تشخيصها وتشوف الاشعة والتحاليل اللى تؤكد ليك التشخيص دا وبعدها تعمل برنامج العلاج اللى هتمشى عليه وتبدأ انت فى تنفيذه .. وبردو بتكون على اتصال بالطبيب المعالج لو ظهرت اى اعراض او مضاعفات جديدة. أهم حاجة بقى فرصة العمل ايه وضعها ؟؟ أولا انت بتخلص فى الكلية 5 سنين وبعدها سنة امتياز وبعها ليك سنتين تكليف " ودا للكل " لان دى الكلية الطبية دلوقت اللى لسه ليها تكليف وطبعا لان عدد الخريجين من الكلية الحكومية والكليات الخاصة مبيوصلش ل 5000 فى السنة وبالتالى كلهم بيتوزعوا على محافظات الجمهورية يعنى انت الشغل هو اللى بيجرى وراك دا غير شغلك فى العيادات والمراكز الخاصة ودا بردو مضمون جدا لان العيادات على مستوى الجمهورية عددها قليل بالنسبة لعدد الحالات يبقى انت بردو الشغل هو اللى عاوزك أو بقى انك تسافر خارج مصر وخليك فاكر ان كليات العلاج الطبيعى مش موجوده غير فى مصر بس فى المنطقة العربية ولسه باقى الدول فى بداية انشاء كليات علاج طبيعى .. يعنى وقت ما الفرصة تيجى للسفر هتلاقى مكانك بردو موجود. دا باختصار اهم الاسئلة اللى تحبو تعرفوها دلوقت واى استفسارات تانية احنا فى الخدمة طبعا ......... الامتياز بتاخديه في محافظتك او في القاهرة كل واحد ورغبته انا مش فاهم يعني ايه سنتين تكليف ؟؟ بيوزعوك في مستشفي علي حسب رغباتك وتقديرك بعدهم انت بتتعين بس في المستشفي اللي انت عايزها شغل بأجر بقي ولا بدون اجر ؟ باجر طبعا والشغل ده لكل الطلبة ولا للجايبين تقديرات بس ؟؟ لكل الدفعة بس مثلا لو انا جيد وانت جيد جدا وكاتبين في الرغبات نفس المستشفي وهما عايزين واحد ياخدوا اللي جيب جيد جدا واللي جاب جيد يروح مستشفي تانيه حاجة زي نظام تنسيق كده نظام الشغل بعد الكلية ؟! انتي بعد سنة 5 بتبداي تنزلي تشتغلي في مراكز والمراكز نوعين اما اطفال او كبار الاطفال ده بيكون فيه امراض كتير لينا دور فيها زي ملخ الولادة وضمور المخ ومشاكل المشي وتاخر النمو والبله المغولي ...... الكبار ده بينقسم بقي لمشاكل عظام واعصاب دول اكتر اقسام هتقابلوها في شغل الكبار هتلاقي واحد عامل عملية ومحتاج تاهيل او واحد عنده الام في الركبة او الظهر او انزلاق غضضروفي او شلل رباعي او ثنائي ...... بعد سنة الامتياز بتستلمي تكليفك في المستشفي الحكومي وفيه ناس بتفتح مراكز لكن باسماء دكاترة تانين لان رسمي المركز يتفتح بعد الماجستير التخسيس والسمنة ملوش دعوة بالكلية ممكن اي حد يشتغل فيهم بمجرد انه ياخد كورس وخلاص بس فيه دكاترة علاج طبيعي بيشتغلوا فيه لانه بيجيب فلوس لكن مش ده شغلنا الاساسي طبعا اخر تطورات المهنة ان المهنة السادسة على مستوى العالم بمتوسط اجور 81600 الف دولا سنويا .. و الكلام الاخير عن ضم الدى بى تى لسنين الدراسة .. و ممكن يحصل تغيير لاسم اللكلية ل ((طب العلاج الطبيعى و التأهيل او العلاج الطبيعى و التاهيل الطبى)) Faculty of physical therapy and rehabilitation لان التاهيل خاص بالعلاج الطبيعى فقط و لا غير مش اى كلية تانية تدعى دا .. و طبعا الدى بى تى بتدينا حق التشخيص على طول بدون ان الحالة تكون متحولة من دكتور بشرى ..
__________________
|
العلامات المرجعية |
أدوات الموضوع | |
انواع عرض الموضوع | |
|
|