قوانين و اداب المهنة و مبادىء الجودة

[DPT-Blue Phoenix]

توعية_بدور_العلاج_الطبيعى
#كل_ما_تريد_معرفته_عن_العلاج_الطبيعى
السلام عليكم و رحمة الله و بركاته
بسم الله الرحمن الرحيم

#المادة_الثالثة:-
#مبادىء_الجودة
#Quality_Principles

-ايه هى المادة دى يا ترى مادة جديدة و غريبة برده يمكن محدش سمع عنها قبل كدا اممممم طيب ايه لزمتها يا ترى ؟! المادة دى اتحطت اصلاااااااا عشان الكلية تاخد الاعتماد او بمعنى اصح الجودة و اننا نطلع من الكلية طلاب كفائتهم عالية دا المفروض و الى بيدرسها ((دكتور صلاح صوان وكيل الكلية و مرشح لمنصب العميد دلوقت)) و الكتاب كله على بعضه 80 صفحة و المادة دى عليها 100 درجة .. من عيوب المادة دى اننا مطبقناش حاجة عملى فيها خااااااااااالص فى سنتنا بس هندى عزر ان الترم كان صغير طيب المادة دى بتتكلم عن ايه يا ترى ؟!

1- الجزء الأول فيها هيتكلم عن #المصطلحات المستخدمة فى المادة دى و التعريف بكل مصطلح + هتاخد ازاى يعنى المفروض فكر الجودة دا اتطور + بعض منظمات الجودة زى الايزو و غيرها و هيتكلم ازاى لو انا فى فرق طبى مثلا اعرف اخد قرار و احل مشكلة مثلا هتلاقى عندك التصويت او طرق تانية و هتعرفوها و هتعرفوا مثلا ان القرار دا انواع منها قرار بتاخده بنفسك او السلطة الى فوقك هى الى بتاخده او قرار بالاجماع زى الى قلنا ممكن تعمل تصويت او غيره و هتاخدوا مخططات للطرق دى ...

2- #البشر و #الاتصال هيتكلم الجزء دا عن ازاى انمى من البشر الى عندى بعد ما المفروض انى نميت الوسائل و فهمت المصطلحات و عرفت اخد قرار و ازاى اسهل الاتصال بين اعضاء الفريق الواحد و كدا عشان اوصل لأعلى انتاج باقل تكلفة زى ما بيقولوا ....

3- #فريق_العمل Team Work ان ازاى يكون فريق ناجح و مقومات الفريق الناجح و حاجات كتير كلها كلها عن العمل الجماعى

4- كيفية عمل #المفاوضاتو شوية كلام كدا

#ازاى_تتذاكر ؟!؟!؟!؟!

المادة دى انت هتحضر عشان تحاول تفهم الى فى الكتاب انا بقول تحاول هى ممكن تكون صعبة شوية فى الأول لأنها مادة مصطلحتها غريبة عليك و اول مرة تاخدها انما عشان تحل فى الامتحان بتحفظ الى فى الكتاب و مش صعب على فكرة ككم بل صغير و بتحفظ الرسومات البيانية الى فيها و دى ان شاء الله حتى مش هتتعبكوا اوى و هتفهموا نظام الامتحان ماشى ازاى لما تشوفوا امتحان السنة بتاعتنا

#المادة_الرابعة
#قوانين_و_اداب_المهنة
#Ethics_and_Laws

ايه بقى المادة دى و دى اخر مادة درسناها للعلاج السنة دى الكتاب بتاعها 160 صفحة مقسم لجزئين جزء #عربى و جزء #انجليزىالجزء العربى حوالى 55 صفحة و الانجليزى حوالى 105 صفحة و مش عايز اضحك لما اقولكم ان الى اتلغى من دا كله بس 5 صفح و كان فى الخمسة دول بيقول اكتب مقالات هههههههههه ؟! و المادة دى عليها 50 درجة طيب المادة دى بتتكلم عن ايه ؟! من اسمها #قوانين الى بتخص مهنة العلاج الطبيعى + #اداب المهنة :-

1- #القوانين و دى هتكون موجودة فى الجزء الى بالعربى فى الكتاب و هتتكلم عن نشأة و هدف الكلية و رسالتها و كمان نشأة العلاج الطبيعى فى مصر و القسم لاداء المهنة ههههههه و طبعا القوانين بتاعتنا و ازاى انها اتعدلت و اتطورت مع تطور المهنة هتتكلم عن حقوق الانسان و كيفية تعاملك مع المريض و زميل ليك فى الشغل هتتكلم عن النقابة بتاع العلاج الطبيعى هتتكلم عن #دور_المعالج_الطبيعى بالظبط او دكتور العلاج الطبيعى و مبنى الكلية و ازاى تحصل على لقب اخصائى و غيره و حاجة اسمها النقابات الفرعية و ازاى لو خالفت حاجة هيكون الجزاء بتاعك و ازاى هتلتحق بالنقابة و كدا ؟!

2- #الادابو دى هتتكلم عن اداب المهنة و الاعتماد و الجودة شوية و مستويات التعليم و المتعلم فى العلاج الطبيعى و ازاى ترتقى من مستوى لمستوىو كيفية التواصل مع مختلف المرضى سواء اصحاب الاعاقات او الى هيكونوا خلاص عارفين انهم هيموتوا و ايه المراحل الى هيمر بيها مريض عارف انه هيموت مثلا و ازاى انت تتعامل معاه هتتكلم عن نظافتك الشخصية و حسن مظهرك و حتى طريقة كلام مع المريض و كيفية عمل بحث و ايه حقولك و واجباتك و حقوق المريض و واجباته دور #المعالج_الطبيعى فى #التشخيص اننا لينا نوع من التشخيص Diagnosis و نوع التشخيص الى انت من حقك تعمله قبل الدى بى تى الى اسمه Working Diagnosis الى هو يعنى تحديد عدد الجلسات و تحديد درجة المرض و الاجهزة الى هتستخدمها و مدة الجلسة و كدا و تتابع انت حالة المريض فى العلاج ... و اخيرا فى جزئية مهمة كدا هتكلمك عن انواع المرضى يعنى من حيث خطورة المر و كدا و ازاى اتعامل معاهم و كمان هتكون عارف اذا كان المرض دا المريض بيشفى منه تماما او جزئيا او حاجة بسيطة و كدا..

ازاى تتذاكر ؟! الصراحة يعنى لما هتحضروا هتعرفوا حاجات مهمة شوية و اسألة مهمة فى فترة الامتحان هتركزوا عليها بس المادة دى مش هتعرفوا تحفظوها كلها عشان الكم فانتم فى جزئيات معينة هتحفظوها كويس و جزئيات تانية تتقرأ و تتحفظ يعنى شوية و تتفهم و اهم حاجة تعرفوا المهم الى الدكاترة بيقولوا عليه ... و ربنا معاكم

العلاج الكهربى و المائى بقى ان شاء الله فى موضوع لواحدهم و السلام عليكم