ملتقى طلاب الصف الثالث الثانوى (علمى علوم) 2014

[chalijaly]

المشاركة الأصلية كتبت بواسطة Solty Ray

يا دكتورة بعد اذنك عندي كمان سؤال
انتي لما كنتي في ثالثة كنت بتدخلي طبعا على الموقع ده , بس امتى بطلت تدخلي (يعني قبل الامتحان بقد ايه؟)
انا كل ما اقول مش هدخل ,مقدرش ولازم ادخل ومش بعمل اي حاجة مفيدة
وكمان انا دلوقتي بقى عندي عشق للتلفزيون والانترنت والنوم والموبايل ,ويومي كله ضايع في الحاجات ده وبالاضافة طبعا الى الدروس
والمشكلة اني مش خايفة خالص او تقريبا بدأت تجيني حالة تبلد
مع العلم ان الكل دلوقتي ملاحظ ان تصرفاتي اتغيرت او اني بدأت ادخل على حاله جنون اه والله و بنسى كل حاجة بطريقة غير طبيعية لدجة اني مرة صحيت من النوم وكنت ناسية اسمي ومرة نسيت لون brush teeth بتاعتي
في اللي بيقولي ان انا بيحصل معاي كده علشان بركز في المذاكرة فدة بيخليني انسى اللي حولاي بس انا مذكرتي بسيطة خالص
هو انا معروفة ان انا نساية بس مش للدرجة ده
انا كده طبيعي ولا لأ