الطلبة+التكنولوجيا=دمار مجتمع

[مروة محمد فراج]

المشاركة الأصلية كتبت بواسطة نهي نوير خميس

أشفق كثيرا علي هذا الجيل من الطلبة
فالمؤثرات السلبية حولهم كثيرة
أحدث الموبايلات
الدش وأفلامه اللي معظمها يحض علي الرذيلة
والإنترنت الللي يعتبر سبب معظم الفساد في المجتمع وخاصة الطلبة
وطبعا الموبايلات دلوقتي 3×1
مكالمات+إنترنت+فيديوهات وصور
والأكثر سوءا
أفلام السبكي اللي خلت البلطجة والإغتصابات منتشرة الأيام دي لدرجة إن الطلبة بقي ي***وا مدرسينهم
خلاص الأدب الأيام دي بقي عملة نادرة
تلاقي الطالبة قاعدة في الفصل المفروض أدواتها المدرسية الطبيعية"الكتاب والكشاكيل وأدوات الكتابة"
دلوقتي من الطبيعي والأساسي في شنطة معظم الطالبات"إلا من رحم ربي"(مكياج،مراية،موبايل)
والأدهي والأمر إن الموبايل مش بيشلوه في الشنط لا ده من ضمن الأدوات اللي بتتحط علي الدرج قدامها وطبعا معاها السماعات علشان تتقي شر صوت المدرس وهو بيشرح
إزاي المدرسين يشرحوا ويفسدوا علي الطالبات سماع أحدث الأغاني والفرجة علي الفيديوهات أثناء الحصة
ولسة ياما حنشوف في الأجيال القادمة
فكلما تقدمت التكنولوجيا زاد الفساد وتدهورت الأخلاق إلا من رحم ربي
فاللهم أجرنا
ن.ن

فعلا معظم اللى بشوفه دلوقتى بينطبق على كلام حضرتك
عندنا فى المدرسة اولى ثانوى بيشتغلوا بالتابلت المفروض انهم بيتعلموا عليه بس لما بشوف اى تابلت بلاقى معظمه اغانى وصور والعاب وطول ما هما فاضيين تلاقى الاغانى والمهرجانات شغالة باعلى صوت ربنا يرحمنا