ملتقى طلاب الصف الثالث الثانوى (علمى علوم) 2014

[دراكو مالفوى]

المشاركة الأصلية كتبت بواسطة Keira

معلش بقى يا دكتورة تعبناكي معانا .. ربنا يجازيكي عنا كل خير
بس أنا ما قرأتهوش قبل كدة مع اني بقرأ كل ردودك
ممكن يكون في صفحات بدري ولا حاجة
ماشي يا دكتورة أنا هعمل الجدول دا إن شاء الله وأجرب ..
أنا عاملة ورق وكاتبة فيه (الكمية الفيزيائية) وبعدين سهم (الوحدة بتاعتها) وبعدين سهم (الوحدات المكافئة) .. بس وانا ببص عليه ببقى حاساه ملخبط وداخل في بعضة
و كل ما أحفظهم شوية وأنساهم تاني وأرجع ألخبط فيهم .. بس بيني وبينك فكرة الأسهم دي غبية ودا إللي إكتشفته إمبارح ..
مستر الفيزياء بيقولنا منحفظش الوحدات خالص لازم نحفظ الأساسية بس ومنها هنطلع الباقي .. معرفش إزاي يعني . مش مقتنعة بالفكرة دي خالص ومش هقتنع بيها
ولما بيدينا أسئلة عليها باخد ساعة على ما أحلها .. دا إن حلتها أصلاً .. وببقى حاسة إني أول مرة أشوف الوحدات دي
أنا عندي ورق الدكتور أمين صبري بتاع الفيزيا كله
بس بصراحة الجدول بتاع الوحدات معرفتش أحفظهم منه أبداً مش عارفة ليه بس أكيد المشكلة فيا مش في الجدول .. ممكن عشان يعني مش أنا إللي كتباهم وكدة وبسبب إن الطباعة للصورة مش حلوة..
هو أنا استفدت منه بجد بجد في انه عرفني الوحدات المكافئة دي بتاعة أنهي كمية بالظبط لأن الكتاب مش كاتب كل حاجة وإن كتب بيكتب وحدتين بالكتير أوي . فبعدني عن اللخبطة ..
وبصراحة هو ورق الدكتور أمين كله قمة في الروعة الصراحة .. ربنا يجازيه خير يا رب ويوفقه
بس إزاي ما جاش في بالي أعمل أنا واحد زيه ؟ لسة مدركة ده دلوقتي
ما علينا
أنا شكلي في الآخر كدة هعمل الجدول إللي حضرتك قولتي عليه وأروح لازقاه على الحيطة عشان أفضل رايحة جاية أبص عليه ..وأما نشوف آخرتها مع الوحدات دي

شكراً ليكي يا دكتورة وربنا يوفقك وييسرلك كل خير

كانت مشكلة بالنسبالى جامده جدااااااااااااااااااااااااااا...علشان كنت بحفظ
افهميهم هتلاقيهم زى مسائل الرياضة والله هتكون ممتعة جدا وممكن من وحده واحده تطلعى 9 من غير مبالغة..
بس بردو فيه حاجات لازم تتحفظ زى ما هى بس دول قليلين جدااااااااااا..
غير كده انتوا منهجكوا مفيهوش غير الكهربية اللى فيها وحدات مكافئة 3 فصول عمى يعنى حاجة سهله جدااااااااااااااا
هديكى مثااااااااااال....
شدة التيار ..الاساسى هى...ايوة سامع واحده بتقول امبير....شاطرة
طيب التيار يعنى ايه؟؟؟ كمية كهربية ماشية فى زمن
ايوة كمية كهربية يعنى ايه؟؟؟ برافو يعنى c كولوم يعنى
طيب زمن يعنى ايه؟؟ عسل يعنى...s...ثانية يعنى
يبقى ايه دلوقتى...شدة التيار =c.s كولوم فى ثانية
طيب على نفس الطريقة
شدة التيار=فرق الجهد على المقاومة
فرق الجهد...v
المقاومة...اوم
يبقى فولت على اوم

يلا اللى بعده
القدرة الكهربية يعنى ايه؟؟ فرق الجهد فى شدة التيار
يبقى شدة التيار = القدرة على فرق الجهد
القدرة بالوات ...فرق الجهد بالــv
يبقى watt على v
وهكذا الى مالانهاية
ملحوظة ...انتوا المفروض هيجيبولكوا الوحده المكافئة وانتوا بطلعوها ..فى الحالة دى احنا بنحللها وبنفكها وبنكسر امها..مع التعود مش هتاخد معاك 10 ثوانى
مثال..watt فى امبير اس سالب واحده..فى اوم اس سالب واحد
عايزين نحل
بنقول وات اللى هى ايه...القدرة تمااام
ir...فرق الجهد
يبقى القدرة على فرق الجهد يبقى ايه؟؟...يبقى شده التيار
وهكذااااا فى كل الوحدات
معلش لو كنت غلط فى حاجة علشان انا ناسى كل حاااااااااااااجة