خطوات بسيطه لتحصلى على مرتبة سرير نظيفه

[sahar2012]

خطوات بسيطه لتحصلى على مرتبة سرير نظيفه

الموضوع ده مهم لكل ست بيت وهو خطوات بسيطه وسهله لتحصلى على مرتبة السرير نظيفه وخاليه من الاتربه وحشرات الفراش
كتير من ستات البيوت بتهتم بنظافة البيت وبس لكن مرتبة السرير لأ ودي اهم حاجه في البيت لازم تنضفيها عشان تقدري تحافظي على صحة اطفالك,
انا هاقدملك طريقه سهله وبسيطه وموفره جدا لتنضيف مرتبه السرير كل اللي هاتحتاجيه هو :
_ بيكربونات صودا
_ 4 قطرات من زيت اللافندر
_ مصفاه
الطريقه هي: هاتحطي بيكربونات الصودا وعليها ال4 قطرات من زيت اللافندر في برطمان وتقفليه كويس خالص وترجيهم لحد مايتخلطوا ببعض وبعد كده ترشي على المرتبه بواسطه المصفاه وتسبيه لمده ساعه كامله وبعد كده هاتجيبي المكنسه الكهربائيه وقماشه للتنضيف وتكنسي المرتبه وتنضفي بالقماشه باقي الخليط اللي حطتيه وبكده هاتكون المرتبه نضفت من اي تراب واوساخ وحشرات وفي نفس الوقت برده عطرتيها وخليتي ريحتها حلوه. ياريت تجربوها وصفه سهله وهتاحفظي بيها على صحتك وصحة اولادك وياريت تهتمي بالموضوع ده على الاقل كل شهر مره عشان تتجنبي تراكم الحشرات والاتربه وتضمني المحافظه على صحة اطفالك وانهم كمان يناموا بكل اطمئنان وهدوء من اي شئ من الحشرات اوالاتربه اللي ممكن تزعجهم وتسببلهم اي قلق في نومهم وماتنسيش كمان انك تعرضى المرتبه للشمس كل فتره لانها هتساعدك اكتر فى *** اى مكروبات متراكمه عندك