أخبار المعلمين المنقطعين بمحافظة كفر الشيخ و المحافظات الأخرى

[melkatry]

المشاركة الأصلية كتبت بواسطة فريال يوسف

و عليكم السلام و رحمة الله و بركاته
لو فى اى جديد ان شاء الله هكتبه فى الباب فورا
و بالنسبة للاخت التى قدمت الشكوى بصراحة انا أول مرة اسمع هذا الكلام من الاخ اللى كتب المشاركة لكن لو تحقق ذلك فعلا و تم الموافقة لها فبالتأكيد سوف يعود ذلك على جميع المنقطعين بالايجاب و يتم تثبتنا جميعا ان شاء الله
و على فكرة مركز التدريب بالادارة ارسل للمدارس عايزين اسماء المنقطعين و كل من لم يدخل الدورة التدريبية الخاصة بالكادر
اعتقد و الله اعلم انهم ناوين يدخلونا هذه الدورة بمجرد نزول الكود لنا ان شاء الله

آخر حاجه حصلت بالنسبة للشكوى هي

اتحولت من وكيل الوزارة لشئون العاملين بالمديرية وطبعاً لعدم الفهم قاموا بدورهم بتحويلها للشئون القانونية بالمديرية اللي حولتها بدورها للشئون القانونية بالادارة التعليمية وكان ردها نفس رد ادارة الفتوى "علشان تعرفوا قمة الذكاء اللي المديرية بتتعامل بيه "
السؤال الأساسي كان هل نثبت الشاكيه بعد جمع مددها السابقه ام لا
واذا تم تثبيتها تثبت بأثر رجعي ام تثبت بقرار جديد وطبعاً ده اللي محدش رد عليه واللي كان مخلي مسئول التعاقدات هيتجنن من الرد بتاعهم وعلشان كده قام واخد بعضه ورايح لوكيل الوزاره ووكيل المديرية اللي قام بدوره بتحويل شئون العاملين والشئون القانوية بالمديرية للتحقيق وطلب من مسئول التعاقدات انه يكتبله مذكره جديده وأمر شئون العاملين بالرد المباشر عليها دون الرجوع لأي قسم آخر لأن ده من سلطاتها المباشره .
مع العلم ان كان رأي ا / سيد جويني ان لازم علشان اي حد يتثبت يكون قضى 3 سنوات متصله وقال ان ده اللي بيتحسب بس للأسف
وبناء عليه هيقوم مسئول التعاقدات ووالد الشاكيه بالذهاب للمديرية الاسبوع القادم علشان يجيبوا رد وآخر الموضوع ده