جروب 3 ثانوى ( علمى علوم )

[lally adel]

المشاركة الأصلية كتبت بواسطة عبدالخالق حمدى سلامة

اولا فترة مابين الامتحان والاخر دى للتشيك على المعلومات المهمة وليس المراجعة بأكملها لاانه المفروض الطالب قبل الامتحان مابيكونش ناقصله حاجة
الفيزياء 4ايام دى حاجة ممتعة الانجليزى معتاد وبالنسبة للاحياء اظن اللجان جاهزة ومتوفره فيها مراوح وشبابيك لدم دخول الشمس واخيرا الظروف تختلف من طالب لأخر حيث ان الاحوال الجوية والسياسية تختلف من محافظة الى اخرى

اولا بالنسبة للفترة اللى قبل الامتحان فانا معاكانها للتشيك على المعلومات المهمة .. بس اظن ان انت لو عايز تشيك على المعلومات المهمة فى 15 فصل كل سطر فيه معلومة مهمة .. بحيث انك تبقى ملم بكل كلمة عشان ما تخسرش الربع درجة .. ف اظن ان ده محتاج وقت اكبر شوية من الاربع ايام .. خصوصا لو مع مادة زى الفيزيا فيها نظري ممل و مسائل خداعة .. دى نقطة

بالنسبة للانجليزى فانا مع استيائي من ان الفترة قصيرة لكنى ما اتصدمتش لانها فعلا بقالها كذا سنة بالطريقة دى .. لكن ده ما يمنعش انها فترة قصيرة على مراجعه مادة زى الانجليزى ..

و بالنسبة للجان اللى حضرتك بتتكلم عليها فانا الحقيقة معرفش حضرتك بتمتحن ف انى محافظة بالظبط اللى اللجان فيها مجهزة و حلوة .. انا عن نفسي المدرسة اللى امتحنت فيها السنة اللى فاتت و اللى ان شاء الله همتحن فيها السنة دى كانت اللجنة عبارة عن قبر ..
اضاءة ضعيفة .. الشبابيك صغيرة و عالية عند السقف .. المراوح عايزة اللى يطلع يزقها .. الديسكات مكسرة و مليانة مسامير .. دة غير المنحدرات اللى ف الديسك اللى بتخلينا مرعوبين واحنا بنكتب لكراسة الاجابة تتقطع ..
اما بالنسبة لانها بتختلف من محافظة للتانية ..فبرضه اظن ان الساعة 12 الظهر ف شهر 6 ف كل حافظات مصر بيبقى الجو فيها لا يطاااق
مع كامل احترامى