مش عارفة اعمل ايه في المذاكرة؟؟؟

[شهد اليوسف]

المشاركة الأصلية كتبت بواسطة Eng Khaled Zakareya

وجهه نظر

مجموع السنه النقل العاديه مش مهم أوى سواء كان عالى جدا أو واطى جدا .. بمعنى ؟
فيه ناس بتقول انها سنه نقل عادى زى اولى او تانيه اعدادى ازاكر ليه واتعب نفسى مخلى كل المجهود للشهاده ( 3 ثانوى ) .. بس ثانيه ثانوى دلوقتى مهمه لانك بتاخدى فيها رياضه ( ميكانيكا ) ودى مهمه لسنه تالته لو كنتى علمى رياضه وعندك الانجلش بتاع 2 مهم لـ 3 برده النحو بتاع العربى حتاخديه تانى ف 3 ( ان مغيروش المنهج )

المهم يعنى : المجموع مش مهم .. المهم انك عارفه نفسك كويسه ولا لأ .. بتزاكرى كويس ولا لأ

احساس ان السنه شهاده ومهمه غير احساسك انها سنه نقل وحتعدى وبتقولى اهمال وجايبه مجموع حلو ومن الااوائل معنى كده انك تمام جدا ولو شديتى فى 3 ( وده اللى حيحصل ) حتعلى كمان وكمان وتجيبى مجموع طب كمان مش صيدله ( إن شاء الله )

صدقينى فى تالته كل شئ حيتغير والمزاكره حتبقى بجد مش مزاجك ( غصب عنك ) ... طب ليه ؟ .. لان المدرسين مبترحمش خاااالص علطول امتحانات وتسميع وكده فحتذاكرى عشانهم اولا .. وثانيا حتذاكرى بمزاجك برده عشان هدفك اللى انتى مصره تحققيه

زاكرى التيرم التانى عادى مزاكره عاديه حتجيبى مجموع حلو اوى ان شاء الله وفى 3 حتلاقى نفسك حاجه تانيه فى المزاكره باذن الله

ربنا يوفقك

الله كلامك محمس جدا وانا هعمل زي ماحضرتك قولت هحاول اذاكر هذاكر مذاكرة عادية وهركز علي الانجلش والنحو لانهم اللي مستمرين وشكرا بجد علي مرورك الجميل وجزاك الله الف خير والله يااااااااااارب اجيب طب يااااااااارب او صيدلة انا اساسا مرعوبة من تالتة ثانوي من قبل ما ادخلها وحاسة انو مستحيل الواحد يجيب 99 % ما هو اكيد تيجي في كل امتحان نقطة او اتنين صعبين جدا مش هعرف احلهم علشان انا مش البنت العبقرية يعني اللي مش هيقف قصادها حاجة (رحم الله امراء عرف قدر نفسة) وشكرا علي مرورك الرائع