يعني اية تكون في هندسة ؟؟

[Muhammad Karim]

يـعنى تـروح الـصبح بـدرى عـلـشـان تـحـجـز كرسى قــدام فـى سكشنك وبردوا تـلاقـى البنات واصلين قبلك وحـاجـزين الـصف الأولانى !!

يـعنى تقعد شهر كامل تاخد شبتر واحد ... و الشهر اللى بعده تاخد شبتر 2و3و4و5و6و7و8و9 !!!
...
يـعنى يبقى عندك سكشن فـيه غـيـاب فى نفس ذات الوقت اللى عندك فيه سكشن تانى وبردو فيه غياب .. و تتاخد غـيـاب فى الاتـنين علـشان حـضـرت سكشن تـالـت مهم !!!

يـعنى تـحضر كل الـمحـاضرات إلا مـحاضـره واحده يـوم الأجازه .. ويقوم الدكتور واخد غياب السنه كله عليها !!!

يـعنى تروح تعمل شيت و صاحـبك يـقولك اعملى نـسخه مــعـاك .. فـ أنت تجيب 2 و هو يجيب 5 ...

يعنى الدكتور يشرح المـسأله بـطريقه والـمعيد بطريقه تانيه ... وتيجى تـذاكر تلاقيها محلوله فى الورق بطريقه تالته ... فتيجـى فـى الإمــتحــان وتــحلـها أنت بطريقه رابعه ...

يعنى تروح تمتحن شفوى انت وصاحبك .. هو يدخل لدكتور يقوله انت منين فيتلخبط وبعدين يفتكر فيديله ال full mark.. وانت تدخل لدكتور يسألك فى فلسفة دمج المتناقضات الناتج عنها فكرة عمل الكوبرى ... وتجاوب صح .. ويديك 15 من 30 و بكل حب ..!!!

يعنى يـتـطلب منك 3 شيتات و4 ريبورتات و10 لوحه الأسبوع اللى قبل الإمتحان ...وتطبق اسبوع من غير ما تنام علشان تعملهم وتخش بيهم الشفوى ..وتكتشف انك عملتهم بس للــذكرى ....!!!

يــعنى إمتحــان الـشفوى مهوش شفوى .. وامتحان الفاينال اهم حاجه فيه اللى قبل المـد ترم ..!!

يــعنى الدكتور ( س ) يقولك ان الامتحان هيجى م الجزء بتاعه .. والمعيد يقولك ركز على جزء الدكتور ( ص ) .. وتدخل الإمتحان تلاقى الدكتور ( ع ) هو اللى حاطط الإمتحان ...!!!

يــعنى تبقى مذاكر المنهج كله .. وبعد ما تــخرج م الإمتحان وانت حالل تلتينه بالعافيه عشان الوقت ... تبص للسؤال الأخرانى وتقوله : أنا آسف ياغالى .. كان نفسى اشوفك فى ظروف احسن من كده ...

والحمـد لله على كل حال