اا ... دستور كستور !!!!! ... اا

[ضياء الدين سعيد]

دستور كستور
إن كنت قرأته
وفهمت مواده
وناقشته وشوفته
سبحان من صور
في يومين خلصته !!؟؟
وفهمت كلامه
ولقيته مزور !!
أنا لسه في ربعه
وعاجبني أنا شرعه
ولحد ما أخلص
مش همدح وأنصب
أو أنافق وأسكت
بنحب رئيسنا
ونشيله فوق رأسنا
لأنه مخدش
من جبنا فلوسنا
مقتلش وجوع
ولا نافق شعبه
مش من أخوانه
مبحبش حزبه
أنا مصري ومسلم
مش ضد مبادئه
لو دستور بلدك
مش عاجبك صوت
قول لأ يا كوسه
والكل يصوت
في الآخر يكسب
إللي ربك عايزه
ولحد ما أخلص
أفهم وأناقشه
ما أنا مش راح أجامل
وأهد وأعاتبه
أنا هصرخ لأه
وبجد ساعتها
يا بــ أيوا موافق
يا بلأ وبشده
يا صاحبي أعقلها
وبلاش تتهور
ذي إللي يسبوا
في الشيخ حسان
ويقولوا بإنه
بينافق بلده !!!!
إقرأ وأتمعن
وإللي مش فاهمه
إسأل عن أهله
وأستفسر منهم
هتلاقي مبادئه
وبيخدم مين
هل هو بتاعنا
ولا لجماعته
ضد الحريه
ضد الشرعية
أستنى يا صاحبي
متثورش تحدي
الحق هيظهر
لما إحنا نناقشه




بقلمي / ضياء الدين سعيد
صــــــــــــــــــوت الحـــــــق